English | عربي

روونکردنه‌وه‌یه‌ك له‌ نوسینگه‌ی وه‌زیری ناوخۆی هه‌رێمه‌وه‌


روونکردنه‌وه‌یه‌ك له‌ نوسینگه‌ی وه‌زیری ناوخۆی هه‌رێمه‌وه‌

2019/08/06 | 23:25

(هەواڵ كوردستان)- K24- هه‌ولێر:

سه‌باره‌ت به‌ چه‌ند په‌یج، ئه‌كاونت و هه‌ژماری ئه‌لیكترۆنی، كه‌ له‌ تۆڕه‌ كۆمه‌ڵایه‌تییه‌كان به‌ ناوی وه‌زیری ناوخۆی حكوومه‌تی هه‌رێمی كوردستان دانراون، نووسینگه‌ی وه‌زیری ناوخۆ روونكردنه‌وه‌یه‌ك بڵاو ده‌كاته‌وه‌ و ره‌تی ده‌كاته‌وه‌ هیچ په‌یج و ئه‌كاونتێك و هه‌ژمارێكی ئه‌لیكترۆنی به‌ناوی وه‌زیره‌وه‌ هه‌بێت.

ده‌قی په‌یامه‌كه‌:

که‌سانی نابه‌رپرس، به‌ناو و وێنه‌ی به‌ڕێز وه‌زیری ناوخۆی حکوومه‌تی هه‌رێمی کوردستان، په‌یج و ئه‌کاونتی ساخته‌یان له‌ تۆڕه‌ کۆمه‌ڵایه‌تیه‌کان دروست کردووه‌.

به‌ هه‌موو لایه‌کی راده‌گه‌یه‌نین، به‌ڕێز وه‌زیری ناوخۆ، هیچ په‌یج و ئه‌کاونتێکی له‌ تۆڕه‌ کۆمه‌ڵایه‌تیه‌کان نییه‌.

ئه‌گه‌ر هه‌ر بڕیار و بابه‌تێکی فه‌رمیش هه‌بێت، که‌ پێویست بکات رابگه‌یه‌ندرێت، راگه‌یاندنی وه‌زاره‌تی ناوخۆ لایه‌نی به‌رپرسه‌ له‌ گه‌یاندنی ئه‌و زانیاری و بڕیارانه‌ به‌ ده‌زگاکانی راگه‌یاندن و رای گشتی، بۆیه‌ هیوادارین هاوڵاتیان و ده‌زگا راگه‌یاندنه‌کان، پشت به‌ ئه‌کاونت و په‌یجه‌کان نه‌به‌ستن له‌ گواستنه‌وه‌ی هه‌واڵ و زانیارییه‌کانی په‌یوه‌ست به‌ به‌ڕێز جه‌نابی وه‌زیر و وه‌زاره‌تی ناوخۆ.

داواکارین ئه‌و که‌سانه‌ی ئه‌و پێگه‌ کۆمه‌ڵایه‌تیه‌ ساختانه‌یان دروست کردووه‌ و ده‌ست له‌و کارانه‌ هه‌ڵگرن، بە پێچەوانەوە رێککاری یاسایی لە دژیان دەگیرێتەبەر.

نوسینگه‌ی وه‌زیری ناوخۆی

حکومه‌تی هه‌رێمی کوردستان

6/8/2019

H.B








نیشانەکردن



زۆرترین






ڤیدیۆ- وێنە





Trending