English | عربي

"هیچ به‌ربه‌ستێك له‌به‌رده‌م به‌ستنی كۆنگره‌دا نییه‌" ئەنجومەنى ناوەندی یەکێتی: هەنگاوەکانی ئامادەکاری بەستنی کۆنگرە ئەرێنین



2019/08/07 | 15:25

(هەواڵ كوردستان)-

خەندان-ئەنجومەنى ناوەندی یەکێتی نیشتیمانی کوردستان رایگەیاند، هەنگاوەکانی ئامادەکاری بەرەو بەستنی کۆنگرەی چوارەمی یەکێتی بە ئەرێنی هەڵدەسەنگێنن، داواش لە ئەنجومەنی سەرکردایەتی دەکات رۆژی کۆنگرە یەکلایی بکاتەوە.ئەنجومەنى ناوەندی یەکێتی لە راگەیەندراوێکدا کە وێنەیەکی بۆ خەندان نێردراوە رایگەیاندوە، سکرتاریەت و لێپسراوى کۆمسیۆنەکان کۆبونەتەوە و دوای هەڵسەنگاندنی دۆخی ئێستای یەکێتى و ئەو کۆدەنگیە ئۆرگانیەی سەبارەت بە بەستنی کۆنگرە هاتوەتە ئاراوە گفتوگۆکراوە.ئەنجومەنى ناوەندی هەنگاوەکانی ئۆرگانە پەیوەندیدارەکانی یەکێتی  بە ئەرێنی هەڵدەسەنگێنێت 

ئاماژە بەوەشکراوە، "ئەنجومەنى ناوەندی هەنگاوەکانی ئۆرگانە پەیوەندیدارەکانی یەکێتی  بە ئەرێنی هەڵدەسەنگێنێت، رۆژی 21ی مانگی 11ی ئەمساڵ کە لەلایەن مەکتەبی رێکخستنەوە پێشنیازکراوە بۆ بەستنی کۆنگرە بە گونجاو دەزانێت".29ی تەموزی رابردو مەکتەبی سیاسی یەکێتی کۆبوەوە، دوای کۆبونەوەکە لەتیف شێخ عومەر، وتەبێژی ئەو حزبە رایگەیاند، پێش کۆتایی ئەمساڵ کۆنگرەی چوارەمی یەکێتی دەبەسترێت.هاوکات مەكتەبی رێكخستنی یەكێتی کە لە ئێستادا سەرقاڵی ئامادەکردنی پڕۆژەی بەستنی کۆنگرەیە پێشنیازی کردوە رۆژی 21ی (تشرینی دوەمی/11) 2019 كە رۆژی شەهیدی یەكێتییە چوارەمین كۆنگرەی حزبەکە ببەسترێت.داوا لە ئەنجومەنى سەرکردایەتی دەکەین لە کۆبونەوەی داهاتویاندا بڕیار لەسەر دیاریکردنی رۆژی بەستنی کۆنگرە بدەن

 

لە راگەیەندراوەکەی ئەنجومەنی ناوەندیدا هاتوە، "داوا لە ئەنجومەنى سەرکردایەتی دەکەین لە کۆبونەوەی داهاتویاندا بڕیار لەسەر دیاریکردنی رۆژی بەستنی کۆنگرە بدەن، بەپێی ئەو ئەرکەی کە پەیڕەوی ناوخۆی یەکێتی بۆیانی دیاریکردوە، چونکە هیچ لەمپەڕ و بەربەستێکی جددی لەبەردەم ئەنجامدانی کۆنگرە نەماوە".ئەوەش خراوەتەڕو، "بەستنی کۆنگرە لە کۆتایی ئەمساڵدا بوەتە پێداویستیەکی گرنگو  هەنوکەیی بۆ یەکێتی".یەكێتی نیشتیمانی كوردستان كە 1-6-1975 دا لە دیمەشق دامەزراوە، تا ئێستا تەنها سێ كۆنگرەی بەستوە

 

یەكێتی نیشتیمانی كوردستان كە 1-6-1975 دا لە دیمەشق دامەزراوە، تا ئێستا تەنها سێ كۆنگرەی بەستوە، بڕیارە ئەمساڵ کۆنگرەی چوارەم ببەستێت.دواى پشوەکانى جەژن دوا هەڵسەنگاندن و پێداچونەوە بۆ ڕەشنوسی پرۆژە پەیڕەوى ناوخۆدا دەکەین

 

سەبارەت بە ئامادەکردنى ڕەشنوسى پرۆژەى پەیڕەوی لە راگەیەندراوەکەدا هاتوە، "داوا لە ئۆرگان و هەڤاڵانەش دەکەین کە هەر پرۆژەو پێشنیار و سەرنجێکیان هەیە بە زوترین کات بۆمان بنێرن، چونکە لە دواى پشوەکانى جەژن دوا هەڵسەنگاندن و پێداچونەوە بۆ ڕەشنوسی پرۆژە پەیڕەوى ناوخۆ دەکەین و لە کۆبونەوەى فراواندا و لە دواى هەموارکردنى بە فەرمى جارێکى دیکە وێنەیەکى دەنێرین بۆ جێگرانى سکرتێرى گشتى و دەستەى کارگێڕى و ئەندامانى مەکتەبى سیاسى و سەرکردایەتى و سەرجەم ئۆرگانەکانى دیکەى یەکێتى و دەبێتە پڕۆژەى ئامادەکراوى فەرمى ئەنجومەنى ناوەندى".                                                                                                








نیشانەکردن



زۆرترین






ڤیدیۆ- وێنە





Trending