دویای ٤٥ رووژ لە ئارامی.. توندوتیژی ئەرا دیالە هاته‌و
شەفەق نیوز/ سەرچەوەیگ خۆجێی لە دیالە، ئمڕوو دووشەممە، دویای تۆمارکردن ٣ رووداو لەماوەی ٧٢ ساعەت ک ٨ کەس بوینە قوربانی، دووپاتکرد لە هاتنەوەی کارەیل توندوتیژی ئەرا ناحیەی ئەبو سەیدای ئاڵۆز لە پاریزگاگە.
سەرچەوەگە ئەرا ئاژانس شه‌فەق نیوز وت: لە ناحیەی ئەبو سەیدا لە دیالە، ئارامیەگە تەنیا ئەرا دەور ٤٥ رووژ وەردوامبوی، ئه‌ویش دویای ئۆپراسیۆن چەسپانن یاسا لەلایەن لیوای عەقرەبەو ک لەبەغدادەو هاتگە، ودیاری کرد ک کارەیل توندوتیژی هاتەو ئەرا ناحیەگە ، لەناونی پەلامەرەیل و رووداو جه‌نگ هووزیەیل ک تیرۆرستەیل و لەیاسا دەرچگەیل جیوەجیی کەن.
سەرچەوەگە ئاماژەدا؛ ک ناحیەگە لە ماوەی ٧٢ ساعەت گوزەیشتە ٣ پەلامار وه‌خوه‌ی دی ، دووان لەلیان خاڵ ئەمنی ئەرا پۆلیس کردە ئامانج، ک چوار کەس کوشیا و سێیان زەخمداربین، ئیجا ئمڕوو پەلاماریگ لە لایەن چەکداریگ بوی ک لە پەڕ ناحیەگە وە دەوانچەیگ تەقە کرد لە پیاو پیریگ و وه‌سه‌ختی زەخمداری کرد.
سەرچەوەگە ئاماژەدا وه نیگه‌رانی هاووڵاتیەیل ناحیەگە لە هاتنەوەی زەنجیرەی ململانێ هووزه‌یل و پەلامارەیل تیرۆرستی ک رەسێدە هێزه ئەمنیەگان، و جەختکرد لە گرنگی پشتگیریکردن ناحیەگە وە مه‌زرانن کەرتەیل ئەمنی هەمیشەیی، تا لە جیوەجیکردن هەڵمەتەیل چەسپانن یاسا و سەوەری دەوڵەتەگە لە ناحیەگە، و رویتکردن هووزەیل و بەشیگ لە لایەنە سیاسیەگان لە چەکەیل بی مووڵەت، ئەرک کەرتە ئاڵۆزەگان لە دەورگرد ناحیەی ئەبو سەیدا بگرنه مل .
ناحیەی ئەبو سەیدا،له ٣٠ كیلومتری باکوور خوەرهەڵات بەعقوبە، چەن ساڵیگه لە بڕیگ ناوچە و شارۆچکەیلی، ململانە و جەنگ هووزانە وه‌خوه‌یه‌و دوینێد، ک بویە هووکار ئاوارەکردن دەیان خیزان، و کوشتن و زەخمداری سەدان كه‌س مەدەنی.