English | عربي

پۆلیسی هەولێر: ڕۆژی یەكەمی جەژن ڕێگە بە سەردانیكردنی راگیراوان نادرێت


پۆلیسی هەولێر: ڕۆژی یەكەمی جەژن ڕێگە بە سەردانیكردنی راگیراوان نادرێت

2019/08/09 | 19:10

(هەواڵ كوردستان)-

بەڕێوەبەری پۆلیسی گرتن و گواستنەوەی هەولێر ڕایدەگەیەنێ لە رۆژی دووەم و سێیەمی جەژنی قورباندا، كەسوكاری ڕاگیراوان دەتوانن سەردانی بەشی پۆلیسی گرتن و گواستنەوە بكەن، بەڵام رۆژی یەكەم رێگاپێدراو نیە.

خەسرۆ غازی خۆشناو بەڕێوەبەری پۆلیسی گرتن و گواستنەوەی هەولێر بە میدیاكانی راگەیاند رۆژی یەكەمی جەژنی قوربان كە دەكاتە ڕۆژی یەكشەممەی داهاتوو، سەردانیكردنی ڕاگیراوان رێگاپێدراو نیە، بەڵام رۆژی دووەم و سێیەم كەسوكاری ڕاگیراوان دەتوانن سەردانیان بكەن.

رۆژی دووەمی جەژن (12-8-2019) تایبەتە بە ئافرەتان و هەروەها رۆژی سێیەمیش (13-8-2019) پیاوان دەتوانن سەردانی ڕاگیراوان بكەن، ئامادەكارییش بۆ پێشوازیكردن لە سەردانیكاران كراوە.

 

بەڕێوەبەری پۆلیسی گرتن و گواستنەوەی هەولێر دەشڵێ كاتی سەردانیكردن لە هەردوو رۆژی دووەم و سێیەمی جەژندا، لە كاتژمێر 8ی بەیانییەوە بۆ كاتژمێر 12ـی نیوەڕۆیە و دوای جەژنیش سیستەمەكە وەك پێشووی لێ دێتەوە.








نیشانەکردن



زۆرترین






ڤیدیۆ- وێنە





Trending