English | عربي

به‌غدا داوایه‌كی ئه‌وروپاییه‌كانی بۆ هه‌ڵوه‌شاندنه‌وه‌ی سزای له‌سێداره‌دانی چه‌كدارانی داعش ره‌تكرده‌وه‌


به‌غدا داوایه‌كی ئه‌وروپاییه‌كانی بۆ هه‌ڵوه‌شاندنه‌وه‌ی سزای له‌سێداره‌دانی چه‌كدارانی داعش ره‌تكرده‌وه‌

2019/08/10 | 14:30

(هەواڵ كوردستان)- K24 – به‌غدا:

سه‌رۆك وه‌زیرانی عێراق، عادل عه‌بدولمه‌هدی رایگه‌یاند، به‌غدا له‌و چه‌كداره‌ بیانیانه‌ی داعش خۆشنابێت، كه‌ له‌ دادگا سزایان به‌سه‌ردا سه‌پێندراوه‌.

له‌ عێراق ژماره‌یه‌ك چه‌كداری فه‌ره‌نسی داعش، له‌ لایه‌ن دادگاوه‌ سزایان به‌سه‌ردا سه‌پێندراوه‌ و داوای كه‌مكردنه‌وه‌ی ئه‌و سزایانه‌ ده‌كرێت.

عادل عه‌بدولمه‌هدی گوتیشی: ئه‌و سزایانه‌ بڕیاری یاسایی و دادوه‌رین و ئێمه‌ رێز له‌ بۆچوونی ئه‌وروپاییه‌كان ده‌گرین، كه‌ داوا ده‌كه‌ن، سزای له‌سێداره‌دانیان به‌سه‌ردا جێبه‌جێ نه‌كه‌ین، به‌ڵام له‌و پرسه‌دا جیاوازین.

هه‌روه‌ها گوتی: ئه‌وان مكوڕن بۆ پاراستنی به‌رژه‌وه‌ندییه‌كانی خۆیان و هاووڵاتیانیان، ئێمه‌ش سوورین له‌سه‌ر ئه‌وه‌ی به‌رژه‌وه‌ندی و یاساكانی خۆمان و به‌رژه‌وه‌ندی هاووڵاتیانمان بپارێزین.

دووپاتیشیكرده‌وه‌، یاسا رێگه‌ به‌ ده‌وڵه‌ت نادات بڕیاری له‌سێداره‌دان بگۆڕێت و ئه‌و چه‌كداره‌ فه‌ره‌نسیانه‌ له‌ سزای له‌سێداره‌دان بپارێزێت.

له‌ ماوه‌ی رابردوودا به‌غدا سزای له‌سێداره‌دانی به‌سه‌ر 11 چه‌كداری فه‌ره‌نسیدا سه‌پاندووه‌ و 3 چه‌كداریش به‌ زیندانی هه‌تا هه‌تایی حوكمدراوون، به‌ڵام ئه‌و بڕیاره‌ فه‌ره‌نسای نیگه‌ران كردووه‌ و داوا ده‌كات سزاكان به‌سه‌ر ئه‌و چه‌كدارانه‌ی داعشدا جێبه‌جێ نه‌كرێت.








نیشانەکردن



زۆرترین






ڤیدیۆ- وێنە





Trending