هەواڵی کوردستان ئێستا

بانک ناوەندی عراق سوود قەرز کەمەوکەێد

بانک ناوەندی عراق سوود قەرز کەمەوکەێد
بانک ناوەندی عراق سوود قەرز کەمەوکەێد

2020-06-30 00:00:00 - سەرچاوە: شـه‌فـه‌ق نيـوز

شەفەق نیوز/ بانک ناوەندی عراق، ئمڕوو سیشەممە، کەمەوکردن قانجاز قەرزەگان ئەرا پشتگیری کەرتە ئابوورەی و بەرهەمیەگان راگەیان .
بەیاننامەیگ لە بانک ناوەندی رەسیە ئاژانس شەفەق نیوز باسکرد؛ وەگەرد وەردەوامی گاریگەری پەتای کۆرۆنا لەبان ئابووری، و ئەو کۆتەیلە ک لەبان چالاکی ئابووری داناگەی لە فرەی کەرتەیل بەرهەمهاوردن و خزمەتگوزاری، وداوەزین نرخ نەفت، بانک ناوەندی عراق بڕیاردا لە پشتگیری پویلداری پڕۆژەیل ئیسە ک سپۆنسەر کریا لە (هەڵمەت یەک ترلیۆن) وە بایی ٥ مەلیۆن دینار ئەرا ئەوانەگ داخوازی دیرن، و زەمانەت خود پڕۆژەگە، وەرانوەر کۆمسیۆن وەڕیەبردنی وەبی قانجازو سوود بانكی.
بەیاننامەی بانک ناوەندیەگە هەمیش وت: رینما دریا بانکەیل و کۆمپانیایه‌ل زامنكردن وە کەمەوکردن قانجازەگە لە ٤،٨% ئەرا ٣،٥% ئەرا قەرزکەرەیل لە چین ١-٢٠ مەلیۆن دینار، و کەمەوکردن قانجازیە بانکیەگان لە چین ٢١ مەلیۆن- ١ ملیار دینار لە ٦،٣% ئەرا ٤% .
بەیاننامەگە وتیش؛ بانکەگە هەمیش رینما دا بانکەیل تا چەودیری پڕۆژەیل تایبەت وە کەرت گەشتی و هوتێل و چیشتخانەیل بکەێد ، وە هوویرەو کردن لە دویاخستن قست قه‌رزه‌یلیان ئەرا ماوەیل دریژتر، تا ئەوەنە لە قەیران پەتاگە قورتار بوون.