هاوپەیمان فەتح خوازێ میوانداری کازمی بكه‌ن لە پەرلەمان
شەفەق نیوز/ نوێنەریگ لە هاوپەیمان پەرلەمانی فەتح، ئمڕوو سێشەممە، باسکرد لە داواکارییگ خریا وەردەس سەرۆکایەتی ئەنجومەن نوێنەران ئەرا میوانیکردن موستەفا کازمی سەرۆک وەزیرەیل، ئەرا باسکردن لە ریکارە حکومەتیەگان لە باوه‌ت نواگردن کۆڕۆنا.
ئەیە یەکەمین داواکاریە ئەرا میوانیکردن کازمی لەوەخت دروسکردن حکومەتەگەی لە ئایار گوزەیشتە.
ئەحمەد کنانی نوێنەر فەتح ئەرا ئاژانس شەفەق نیوز وت: نوێنەرەیلیگ لە هاوپەیمان پەڕلەمانی فەتح، واژوو گردەو کردن و نانەی وەردەس سرۆکایەتی ئەنجومەن نوێنەران، ئەرا بەسانن دانیشتنیگ کوتپڕی لە میوانیکردن موستەفا کازمی و دەسەی باڵای تەندروسی و سەڵامەتی ئەرا نواگردن پەتای کۆڕۆنا، و هووکارەیل بڵاوبوین پەتاگە و بەرزەربوین رێژەی تووشهاتن و مردن.
وتیش؛ داواکاری میوانیکردنەگە لە پشت لاوازی وەڕیەوبردن قەیرانەگە هات، وه‌خاتر تەرخان نەکردن پویل پێوست ئەرا دابینکردن خزمەتیە پزشکیەگان ئەرا چارەسەری و رزگارکردن تووشهاتگەیل.
کنانی دیاری کرد؛ ک سەرۆک وەزیران وه‌رپرسیاریه‌تی لاوازی قەیرانەگە هەڵگرێد، ک گیان عراقیه‌یل درەو کەێد.