هەواڵی کوردستان ئێستا

شەفەق نیوز/ وەڕیوەبەرایەتی ئەمن وئاسایش پارێزگای سلێمانی رووژ سێشەممە راگەیان ک وەگەرد زیایبوین بیماری کۆرۆنا، مامەڵەکردن وە مادە هووشبەرەیل فرە زیای بویە .
عەمید جەلال مینا وەڕیوەبەر بەش مادە هووشبەرەگان لە وەڕیوەبەرایەتیەگە، لە کۆنگرەیگ رۆژنامەوانی کە ئمڕوو سێشەممە بەساگەی، وت" وەگەرد دەسوەپیکردن قەیەغەی هاتووچگن و کەرەنتین مەردم لە ماڵه‌یلیان، بازرگانەیل مادە هووشبەرەگان دەس کردنەسە زیایکردن وە ڕێکلامەگانیان وەلی ئیمە چەودیریان كردیمنە و تەقەلایان پویچەڵ کردیمنە "وداواکرد ک حکومەت هەرێم کوردستان زیاتر پەرە وە هێزەگان رویوەروی بوین ئەو مادەیلە بیەێد و بودجه‌ زیاتر ئەرایان تەرخان بکەێد.
وتیش؛ لە وەختیگ گوزەیشتە کیشان مادە هووشبەرەگان فەرەتر بویە وەلی وە داخەو ئیسە کارکردن وبازرگانی وەپیەو زیای کردگە "،وئاشکرا کرد ک وڵاتەیل دەوروبەر هەرێم گەمارۆیگ سەخت لەبان ئەو کەسەیلە راگەیاننە ک کار وەمادە هووشبەرەیل کەن وکەسەیلیگ هەن لەیرە ک گەشە وە کار بازرگانی مادە هووشبەرەگان تێیدە هویریان، و دەسنایمنە بان کارگەیلیگ ک کارەگانی گەوراترە لە تاقەت و توانای کەسە ئاساییه‌گان .