English | عربي

چاوشئۆغلۆ: ده‌چینه‌ باكووری سووریا و یه‌په‌گه‌ و په‌كه‌كه‌ له‌ناو ده‌به‌ین


چاوشئۆغلۆ: ده‌چینه‌ باكووری سووریا و یه‌په‌گه‌ و په‌كه‌كه‌ له‌ناو ده‌به‌ین

2019/08/12 | 09:20

(هەواڵ كوردستان)- پێنتاگۆن له‌ به‌یاننامه‌كدا راشیگه‌یاند، ئه‌و رێككه‌وتنه‌ی له‌گه‌ڵ توركیا كراوه‌، هیچ خاڵێكی سه‌باره‌ت به‌ گۆڕینی دیموگرافیای ناوچه‌كه‌ تێدا نییه‌.

گوته‌بێژی پێنتاگۆن، شۆن رۆبرسۆن، له‌و باره‌یه‌وه‌ گوتی: ئێمه‌ له‌گه‌ڵ توركیا سه‌باره‌ت به‌ نوێكردنه‌وه‌ و دیاركردنی میكانیزمی نوێی ئه‌منی له‌ باكووری خۆرهه‌ڵاتی سووریا قسه‌مان كردووه‌ و گه‌یشتووینه‌ته‌ رێككه‌وتن.

هه‌روه‌ها گوتی: پێنتاگۆن كار بۆ دانانی سه‌ربازگه‌یه‌كی هاوبه‌ش له‌ توركیا ده‌كات بۆ ئه‌وه‌ی به‌یه‌كه‌وه‌ له‌گه‌ڵ سوپای توركیا پلان و میكانیزمی هاوبه‌ش دابنێین.

به‌یاننامه‌كه‌ی پێنتاگۆن به‌ هیچ شێوه‌یه‌ك باسی له‌ درووستكردنی ناوچه‌ی ئارام له‌ باكووری سووریا نه‌كردووه‌، وه‌ك ئه‌وه‌ی توركیا پێشتر بانگه‌شه‌ی بۆ ده‌كرد و رایگه‌یاندبوو، له‌گه‌ڵ ئه‌مه‌ریكا له‌و باره‌یه‌وه‌ رێككه‌وتوون.

رۆبرسۆن له‌ باره‌ی هێزه‌ كوردییه‌كانیشه‌وه‌ گوتی: ئه‌مه‌ریكا پابه‌نده‌ به‌ پشتیوانیكردنی هاوپه‌یمانه‌كانی و شكستپێهێنانی چه‌كدارانی داعش.

رۆژی 8ی ئه‌م مانگه‌ حكوومه‌تی توركیا بڵاویكرده‌وه‌، كه‌ له‌گه‌ڵ ئه‌مه‌ریكا گه‌یشتوونه‌ته‌ رێككه‌وتن بۆ درووستكردنی ناوچه‌ی ئارام به‌ قووڵی 30 تا 40 كیلۆمه‌تر و گه‌ڕاندنه‌وه‌ی ئاواره‌كانی سووریا بۆ ئه‌و ناوچه‌یه‌. 








نیشانەکردن



زۆرترین






ڤیدیۆ- وێنە





Trending