English | عربي

لە سنووری سلێمانی تەقە لە ماڵی پەیامنێرێکی کوردستان تیڤی دەکرێت


لە سنووری سلێمانی تەقە لە ماڵی پەیامنێرێکی کوردستان تیڤی دەکرێت

2019/08/12 | 13:15

(هەواڵ كوردستان)- سەنتەری میترۆ داوای لێکۆڵینەوە و دەستگیرکردنی تەقەکەر دەکات

لە سنووری شاری قەڵادزێ لە پارێزگای سلێمانی دەستڕێژی گوللە لە ماڵی پەیامنێرێکی کەناڵی کوردستان تیڤی دەکرێ.

ده‌قی راگه‌یه‌ندراوه‌كه‌ی سه‌نته‌ری میترۆ شەوی هەینی رابردوو، لە كاتێكدا فازڵ عومەری پەیامنێری KTV لەگوندی گردە سپیانی سنووری پشدەر سەرقاڵی مەراسیمی پێشوازیكردن بووە میوانەكانی، لەناكاو گوێیان لە دەستڕێژی گوللـە بووە و بەپێی گوتەی ئەو رۆژنامەنووسە، 10 بۆ 12 فیشەك بەر ماڵەکەی كەوتووە، لایەنی ئەمنیی لێ ئاگادر كردووەتەوە کە لێپێچینەوە بكات.

 

ئەمەی خوارەوە دەقی ڕاگەیەندراوەکەی سەنتەری میترۆیە:-

 

سەنتەری میترۆ سەركۆنەی تەقەكردن لە ماڵی پەیامنێری كوردستان TV لە قەزای قه‌ڵادزی دەكات و داوا لە لایەنی ئەمنی دەكات لێكۆڵینەوە لە روداوەكە بكات، تەقەكەر دەسگیر بكات و بدرێتە دادگا.

شەوی هەینی رابردوو، لە كاتێكدا فازڵ عومەری پەیامنێری KTV لەگوندی گردە سپیانی سنووری پشدەر سەرقاڵی مەراسیمی پێشوازیكردن بووە میوانەكانی، لەناكاو گوێیان لە دەستڕێژی گوللـە بووە.

لە سەرەتای بیستنی دەستڕێژی گولـلە، فازیل و میوانەكانی وای بۆ چوون كە فڕكان فڕكانی قاچاخچی و پۆلیسی گومرك بوبێت، تا نیشانەكانی بە ئامانجگرتن و بە ئۆتۆمبێلی میوانەكان و دیواری دەرەوەی ماڵەوەیان، دەردەكەوێت.

فازیل بە میترۆی وت: "10 بۆ 12 فیشەك بەر ماڵمان كەوتووە، لایەنی ئەمنیمان ئاگادر كرده‌وە، لێپێچینەوە بكات".

جەختیكردەوە، "تەقەكردنەكه‌ هەرەمەكی بووە هەر ئەندامێكی خێزانەكەمان یا میوانەكان لە دەرەوە بوونایە بەردەكەوتن".

بە پێ قسەكانی پەیامنێرەكەی KTV هەرچەندە لە ناوچەكەیان ناو بەناو بە هۆی كێشەی موڵكایەتی زەوی ‌و ئاو تەقە دەبیسترێت، "بەڵام ئێمە لەو جۆرە كێشانەمان نەبووە و لە رووی كۆمەڵایەتیشەوە هیچ جۆره‌ كێشەیه‌كمان نەبووە".

هەرچەندە شەوی رووداوەكە پۆلیسی قەڵادزێ چوونەتە شوێنی رووداوەكە و لێكۆڵینەوەی سەره‌تاییان كردووە، بەڵام بە پێی لێدوانی وتەبێژی پۆلیسی راپەڕین بۆ میترۆ "هیچ جۆرە رووداوێكی لەو شێوەیە نەهاتووه‌تە لای پۆلیس".

سەنتەری میترۆ رایدەگەیەنێت: سەركۆنەی تەقەكردن لە ماڵی پەیامنێری كوردستان TV لە قەزای قەڵادزێ دەكات و داوا لە لایەنی ئەمنی دەكات، لێكۆڵینەوە لە رووداوەكە بكات، تەقەكەر دەستگیر بكات و بدرێتە دادگا.








نیشانەکردن



زۆرترین






ڤیدیۆ- وێنە





Trending