English | عربي

لە ناوچەیەکی کوردستان میلیشیای عەسایب بانگەشەی ناونووسینی خەڵک دەکا


لە ناوچەیەکی کوردستان میلیشیای عەسایب بانگەشەی ناونووسینی خەڵک دەکا

2019/08/12 | 16:55

(هەواڵ كوردستان)- بەرپرسێكی پارتی:خەڵك بەدەم داواکەیانەوە نەچوونە

لە شارەدێی جەبارەی سەر بە شارۆچکەی خانەقین میلیشای عەسایبی ئەهلی حەق کە بە هێزێکی تونڕەوی مەزهەبی و دژەکورد ناسراون دەست بە نانووسینی خەڵک دەکەن بۆ هێزەکەیان بەڵام بەپێی گوتەی بەرپرسێکی کورد کەس پێشوازی لێنەکردوون.

 

كەمال ئیبراهیم، بەرپرسی ناوچەی پارتی لە قەرەتەپە بە (باسنیوز)ی ڕاگەیاند: ”میلیشیای عەسایبی ئەهلی حەق ماوەیەكە خەریكی خۆ ئامادەكردن و پاككردنەوەی باڵەخانەیەکانن بۆ ئەوەی فەوجێك لە شارەدێی جەبارە پێکبهێنن، ئاگادارییان بڵاو كردووەتەوە بۆ ناونووسكردنی خەڵك لە فەوجەكەیاندا، بەڵام بە پێی زانیارییەكان تا ئێستا كەس ناوی نەنووسیوە و هیچ پێشوازییەك لەو بانگەوازەیان نەكراوە".

 

بەرپرسەكەی پارتی گوتیشی: "خەڵكی شیعە مەزهەب لە سنوورەكەدا نییە، ئەوەی لەو سنوورەدایە كورد و سوونەكانن ئەوانیش هەبوونی میلیشیایان قبوڵ نیە".

 

ئەوەشی خستە ڕوو كە پێش ماوەیەك میلیشیای حەشدی شەعبی بە ناوی میلیشیای بەدرەوە دەستی بە ناو نووسینی خەڵك كرد، چەند سوونە مەزهەبێك ناویان نووسی، بەڵام دوای تێپەڕینی چوار مانگ و نەبوونی هیچ مووچەیەك خەڵكەكە وردە وردە كشانەوە و وازیان هێنا"بۆیە ئەو هەوڵەی بەدریش فەشەلی هێنا، خەڵك دەزانێت كە ئەمان هیچ مووچەیەكیان نییە، ئەگەر هەشبێت شەش مانگ جارێك پێیان دەدرێت، بۆیە هیچ جۆرە پێشوازییەكیان لێ ناكرێت".








نیشانەکردن



زۆرترین






ڤیدیۆ- وێنە





Trending