هەواڵی کوردستان ئێستا

شەفەق نیوز/ ئەحمەد مەلا تەڵال قسەکەر وەناو حکومەت عراقی، سێشەممە، راگەیان ک حکومەت موستەفا کازمی کارکەێد لەبان چەسپانن یاسای دەوڵەت لە باوەت مەرزە سنوریەگان.
مەلا تەڵال لە کونگرەیگ رۆژنامەوانی دویای کۆبونەوەی ئەنجومەن وەزیران، ک ئاژانس شەفەق نیوز لەناوی بوی، وت: لە وەرجە دوو هەفتەو سەرۆک وەزیران چەودیری نزیکیگ ئی باوەوتە کەێد وەگەرد لایەنە پەیوەندی دارەیل، ، ئەرا چەسپانن سەروەری دەوڵەتەگە لەبان ئەو مەرزەیلە.
وتیش؛ بەشیگ لەو مەرزەیلە ماڤیایل گەندەڵی دەسنانەسە بانی، ک فرەی داهاتەیلی ئەرا گیرفان گەندەڵەیل چوود. ئەویش لە وەخت کوڵیگ تیەێد لە قسەی سەرچەوەیگ لە حکومەت هەرێم کوردستان ئەرا ئاژانس شەفەق نیوز، لە باوەت ئامادەبوین هەرێم کوردستان ئەرا گفتوگۆکردن وەل بەغداد لە باوەت دەسڵات مەرزە سنوریەگان، وەمەرجیگ ک حکومەت عراقی بتوینێد کۆنتڕۆڵ راسی ئەو مەرز و فڕۆکەخانەو بەندەرەیلە بکەێد وتیش: حکومەت هەرێم کوردستان ئامادەیە ئەرا دانوستان یاسایی لەی باوەتە ك وەپی مافەیل گەلەگەمان مسۆگەر بکەێد.