English | عربي

تورکیا و رژێمی سووریا لە دژی رۆژئاوای کوردستان لەیەکتر نزیک دەبنەوە


تورکیا و رژێمی سووریا لە دژی رۆژئاوای کوردستان لەیەکتر نزیک دەبنەوە

2019/08/18 | 09:35

(هەواڵ كوردستان)-

میدیاکانی تورکیا باس لە ئەگەری لە یەکتر نزیکبوونەوەی وڵاتەکەیان و رژێمی سووریا لە دژی هێزە کوردییەکانی رۆژئاوای کوردستان، دەکەن.

رۆژنامەی (خەبەر تورک)ی نزیک لە حکوومەتی تورکیا بڵاوی کردووەتەوە، کە تورکیا ترسی هەیە هەرێمێکی هاوشێوەی هەرێمی کوردستان لە رۆژئاوای کوردستان دروست بێت.

هەروەک رۆژنامەکە باسی کردووە، ئەگەری رێککەوتنی تورکیا و رژێمی سووریا لە دژی هێزەکانی سووریای دیموکراتی (هەسەدە) لە ئارا دایە و لێکنزیکبوونەوەی ئەو دوو لایەنەش بەنێوەندگیریی ئێران و رووسیا دەبێت.

هەسەدە هێزێکی سەربازییە و بە پشتیوانیی ئەمریکا بۆ رزگارکردنەوەی ناوچە داگیرکراوەکانی رۆژئاوای کوردستان و سووریا لە رێکخراوی تیرۆریستی داعش، پێکهاتووە.

یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوای کوردستان باڵی سەرەکیی ئەو هێزەیە.








نیشانەکردن



زۆرترین






ڤیدیۆ- وێنە





Trending