English | عربي

تەقینەوەیەک لەکابوڵ 63 کوژراو و 182 برینداری لێکەوتەوە


تەقینەوەیەک لەکابوڵ 63 کوژراو و 182 برینداری لێکەوتەوە

2019/08/18 | 10:10

(هەواڵ كوردستان)-

خەندان-دوێنێ شەو لەکابوڵی پایتەختی ئەفغانستان تەقینەوەیەکی خۆکوژی لەئاهەنگێکی بوک گواستنەوەدا رویدا و بەهۆیەوە لانیکەم 63 کەس کوژران و 182 کەسی دیکەش برینداربون.بەپێی هەواڵێکی ئەلعەرەبییە، شەوی شەممەی رابردو لەکابوڵی پایتەختی ئەفغانستان و لەکاتی قەرەباڵغی ئاهەنگێکی بوک گواستنەوەدا تەقینەوەیەکی خۆکوژی رویداوە و بەهۆیەوە لانیکەم 63 کەس کوژران و 182 کەسی دیکەش برینداربون. رێکخراوی تالیبان رەتیدەکاتەوە دەستی لەو تەقینەوەدا هەبوبێتتەقینەوەکە لەرۆژئاوای کابوڵ رویداوە و رێکخراوی تالیبانیش رەتیدەکاتەوە دەستی لەو تەقینەوەدا هەبوبێت.لەوبارەیەوە نوسرەت رەحیمی وتەبێژی وەزارەتی ناوخۆ رایگەیاند، ژن و منداڵێکی زۆر لەناو بریندارەکاندا هەیە. رەحیمی بەئەسۆشییەیتد پرێسی راگەیاندوە، خۆکوژەکە خۆی بەبەشداربوانی ئاهەنگەکەدا تەقاندۆتەوە.لەوبارەیەوە، ئەحمەد ئومێد یەکێک لەرزگاربوانی تەقینەوەکە رایگەیاند، نزیکەی 1200 کەس بانگێشتکرابون بۆ ئاهەنگەکە، ئەو لەژوری بوک و زاوابوە کاتێک لەگەڵ کۆمەڵێک خەڵکی تر کە گوێیان لەدەنگی تەقینەوەکەبوە و کاتێک گەشتۆتە هۆڵی ئاهەنگەکە بینیویەتی یەک کەس بەپێوە نەماوە و تەواوی ئاهەنگ گێڕەکان لەسەر زەوی کەوتون.وتەبێژی وەزارەتی ناوخۆ رایگەیاند هیچ زانیارییەکیان نیە لەبارەی هۆکاری تەقینەوەکە، بەڵام هەردو رێکخراوی تالیبان و پاشماوەکانی داعش ناوبەناو تەقینەوەی خوێناوی لەئەفغانستان ئەنجامدەدەن.








نیشانەکردن



زۆرترین






ڤیدیۆ- وێنە





Trending