هەواڵی کوردستان ئێستا

شەفەق نیوز/ زانای ئەڵمانی ڤایرۆسەگان و وەرپرس پەیمانگای زانست توێژەرەگان کەم وەرگری ئایەم ، لە زانکۆی بون هندریک ستریک وت: "شەپۆل هاتگ لە بڵاوبوین ڤایڕۆس کۆڕۆنا لە پایز ئاینده‌ نیمەی باکور زەوی گریدەو.
لنوفوستی وت:"ئەگەر تەماشای ڕەوش ئوسترالیا بکەیمن شایەت لە شیوەی رەفتار ڤایرۆسەگە بڕەسیمنەو ،چوونکە ئی وڵاتە ئیسە چوودە ناو وەرز زمسان، وەی هووکاریشە دوینیمن ڤایرۆسەگە فرە گەشە کردگە ،وتیش: "وەرجە چەن مانگیگ حاڵەت کەمتر لە تویشهاتگ بویە لە ئوسترالیا وئیسە زیای بویە وە شێوەیگ وەرچەو لە مانگەیل زمسان .
هەمیش وت:"شایەت ڤایرۆس کۆرۆنا COVID-19 لە پایز هاتگ دووارە بڵاوبوود لە بەش ئوروپا و بیمارەیل هەناسەدان وە ڤایرۆسەیل تاجی ک زویتر ناوبانگ داشتگە، دووارە دەرکەفێد لە مانگەیل سەرد زمسان، وئەگەریگ هەس ک هویر بکریەێد ڤایرۆس SARS-CoV-2 پشت وە سەردی هەوا بەسێد.
ولە وەڵام پرسیاریگ لە بڵاو بوین COVID-19 سەرەتای پایز وت:"هیمان نێزانیمن وە تەواوەتی ،وەلی فرە زانیاری هەس کە هیلیدەمان ئەو هویرەیلە بکەیمن.
وتیش: "ڤایرۆسەیل هەناسەدان وەختا پلەی گەرما نزمەو بووود فرەتر گەشە کەێد ، وله‌و وه‌خته‌ هەواگە هشک بوود. وتوانریەێد دابنریەێد ک سارس CoV - 2 وە خود شیوەگە رەفتار کەێد .