هەواڵی کوردستان ئێستا

شەفەق نیوز/ پیاویگ لوبنانی لەتەمەن پەنجاگان، ئمڕوو جومعە، لە ناوچەی حەمڕا لە بەیروت خوەی کوشت.
میدیایه‌ل خەورەی لوبنان باسکردن ک پیاوەگە وەگولە دا لە دەم خوەی، و پەیامیگ لەشوون خوەی هیشتە جی لەناوی نووساد: من کافر نییم بەڵکم ورسگی کافرە.
لوبنان لە خراوترین قەیران ئابووری لە مێژووی، زیان وەخوەی دوینێد، لە ١٧ تەشرین یەکەمەو، ناڕەزایەتی جەماوەری وه‌خوه‌ی دوینێد ك داواکاری ئابووری و سیاسی هەڵگرێد. یه‌ش ناچار حکومەت سەعەد حەریری کرد لەبان دەسکیشانەوە ، و حکومەت حەسان دیاب لە شوونی هات لە ١١ شوبات گوزەیشتە. قەیرانە ئابووریەگە بڕوایی لوبنانیەگان وە پویل خوه‌یان کەمەوکرد، ک داوەزین سەختیگ وەرانوەر دۆلار تۆمار کرد.
هەمیش حکومەتەگە راگەیان لە بەرزەوکردن نرخ نان نیمچە پشتگیریکریاگ، وەرێژەی ٣٣ لە سەد، وهەمیش سوپا وەیەکجاری گووشت سڕیەو لە لیست خوەراک سەربازەگان، لە تەقەلایگ ئەرا کەمەوکردن خەرجەگان، هاووەخت وەل قەیرانە ئابووریەگەی وڵاتەگە.