هەرێم کوردستان ١٨٠ میگاوات له کەهرەبای نیشتمانی زیاد كرد
شەفەق نیوز/ وەزارەت کەهرەبا لە هەرێم کوردستان، ئمڕوو شەممە، راگەیان لە زیایکردن بەرهەم وەزەی نیشتمانی وە ١٨٠ میگاوات لە ویستگە گازیەگە ک لە پارێزگای هەولێر کارکەێد و دوو ویستگەی کەهرۆئاویەگان دۆکان و دەربەندیخان لە سلێمانی.
وەزارەتەگە لە بەیاننامەیگ ئمڕوو شەممە، وت: بەرهەمهاوردن وزەی کەهرەبایی لە ویستگەی گازی هەولێر، وە رێژەی ١٠٠ میگاوات زیایەوبوی، وئەیەیش دویای پشتگیری کردن ئەنجومەن وەزیران و وەزارەت دارایی وئابووری ئەرا وەزارەت کەهرەبا لە رووژ ٤/٦/٢٠٢٠ ، وە بایی ٢٥ مەلیۆن دۆلار، ک ئەرا کۆمپانیای ئەڵماس خەرج کریا، تا ئەویش وەرێژەی ٧٠٠ میگاوات لەبەرهەمەگە کەمەوکرد لە ناو چاکسازی کەرت و ویستگە گازیەگان.
بەیاننامەگە هەمیش وت: وەزارەت کەهرەبا وە هەماهەنگی وەل وەزارەت کشتوکاڵ و داهاتە ئاویەگان، تویەنست توانای بەرهەمەگە بەرزەو بکەێد لە بەنداو دۆکان و دەربەندیخان وەرێژەی ٨٠ میگاوات، و ئاماژەدا؛ وئەیەوە پاڵ سیستم کەهرەبا نیشتمانیەگە وە ١٨٠ میگاوات نریا.