له باشوور عراق دەس نریا بان ٤ کێلو گڕام لە هووشبەرەگان
شەفەق نیوز/ فەرماندەی پۆلیس زیقار، ئمڕوو شەممە، راگەیان لە دەسوەسەرکردن ١٩٠ تومەتبار و دەسناین لەبان چوار کێلو گڕام و هەزاران حەپ لە ماده‌یل هووشبەر لە ماوەی ٥ مانگ گوزەیشتە.
راگەیانن پۆلیس زیقار لە بەیاننامەیگ رەسیە ئاژانس شەفەق نیوز وت: دژە هووشبەرەگان ژماریگ ئەرک ئەمنی جیوەجی کردن، وهەمیش دەسوەسەرکردن تومەتبار و شوون بازرگانی و بفرووش و بڕیگیش وەکارهاورەیل، ودیاری کرد ک دژە هووشبەر سەرکەفتنیگ وەردەوام وەدەسهاوردگە، لە ناین پلان وەشوون کەفتن داواکریاگەیل و نووەوکردن سەرچەوەیل زانیاری، لەری هەماهەنگی وەل ئەو بەشەگان.
وتیش؛ فەرمانگەگە لە مانگ شوبات تا ئیسە ١٩٠ تومەتبار دەسگیر کردگە ، و هەمیش دەسناسە بان ٢٥٠٠ حەپ هووشبەر جوراجوور لە خود ماوەگە.
بەیاننامەگە ئاماژەدا؛ دەسنریا بان مادەی کریستال وەکیش زیاتر لە ٢ کێلو، و بڕیگ حەشیش وە زیاتر لە ٢ کێلو، و ٩٠ گرام لە پێکهاتەیل تر.
راگەیانن پۆلیس زیقار هەمیش وت: ژماره‌ی سزادریاگەیل رەسیە ٦٨ تاوانبار.
