English | عربي

سێ کەس بەتۆمەتی ڕفاندنی کچێك له‌ سلێمانی دەستگیرکران


سێ کەس بەتۆمەتی ڕفاندنی کچێك له‌ سلێمانی دەستگیرکران

2019/08/24 | 18:15

(هەواڵ كوردستان)- K24 - سلێمانی:

به‌ گوێره‌ی راگه‌یه‌ندراوێكی پۆلیسی سلێمانی، سێ كه‌س به‌ تۆمه‌تی رفاندنی كچێك ده‌ستگیركران.

پۆلیسی سلێمانی بڵاویكرده‌وه‌، پاش تۆمارکردنی سکاڵای یاسایی لەلایەن ھاوڵاتییەکەوە کە کچەکەی ڕفێنراوە، ھێزەکانی پۆلیس لێکۆڵینەوەکانیان دەستپێکرد و زانیاری پێویستیان لەسەر تۆمەتباران کۆکردەوە.

ئاماژه‌ به‌وه‌ش كراوه‌، لەماوەیەکی کەمدا توانرا دوو تۆمەتبار بەناوەکانی (د، ک، م - م، غ، م) دەستگیربکرێن و دواتریش تۆمەتباری سەرەکی بەناوی (ن، ک، ق) دەستگیر كرا، کە لەکاتی دەستگیرکردنیدا کچەکەشی لەگەڵدا بووە.

له‌و باره‌یه‌وه‌ نه‌قیب سه‌ركه‌وت ئه‌حمه‌د، به‌ڕێوه‌به‌ری راگه‌یاندن و په‌یوه‌ندییه‌كان له‌ پۆلیسی پارێزگای سلێمانی به‌ كوردستان 24ی راگه‌یاند، باوكی كچه‌كه‌ سكاڵای له‌ رفاندنی كچه‌كه‌ی تۆماركردووه‌، كچه‌كه‌ ته‌مه‌نی 18 ساڵه‌ و ئێستاش له‌ شه‌ڵته‌ری داڵده‌دان پارێزراوه‌.

ئاماژه‌ی به‌وه‌شكرد، تا ئێستا ئه‌وه‌ دیار نییه‌ ئایا كچه‌كه‌ رفێندراوه‌ یان له‌لایه‌ن كوڕه‌كه‌ فریوردراوه‌، به‌ڵام لێكۆڵینه‌وه‌ به‌رده‌وامه‌ و ئه‌وه‌ش ده‌گه‌ڕێته‌وه‌ سه‌ر ده‌قی دانپێدانانی كچه‌كه‌ و رفێنه‌ران له‌به‌رده‌م دادوه‌ر.

روونیشیكرده‌وه‌، ئه‌وان له‌سه‌ر بڕیاری دادوه‌ر فه‌رمانی ده‌ستگیركردنی سێ كه‌سه‌كه‌یان جێبه‌جێكردووه‌ و لێكۆڵینه‌وه‌ش له‌گه‌ڵیان به‌رده‌وامه‌.

ئ.

م








نیشانەکردن



زۆرترین






ڤیدیۆ- وێنە





Trending