English | عربي

دو بەرپرسی ئەمریكا زانیاری نوێ لەبارەی بونی دەستی ئیسرائیل لە بۆردومانی جبەخانەكانی حەشدی شەعبی دەخەنەرو


دو بەرپرسی ئەمریكا زانیاری نوێ لەبارەی بونی دەستی ئیسرائیل لە بۆردومانی جبەخانەكانی حەشدی شەعبی دەخەنەرو

2019/08/24 | 19:40

(هەواڵ كوردستان)-

خەندان-ئیداره‌ی دۆناڵد تره‌مپ، رەتیكردەوە زانیارییان هەبێت لەسەر بونی دەستی ئیسرائیل لە بۆردومانەكانی سەر جبەخانەكانی حەشدی شەعبی و رایانگەیاند،"رەنگە هۆكاری سروشتی بێت".ئاژانسی بلۆمبێرگ له‌ زاری دو به‌رپرسی ئیداره‌ی ئه‌مه‌ریكا بڵاویكردەوە، ئه‌مه‌ریكا هیچ به‌ڵگه‌یه‌كی له‌به‌رده‌ست نییه‌ كه‌ به‌رپرسیارێتی تەلئەبیب له‌ بۆردومانەكان بۆ سەر جبەخانەكانی حەشدی شەعبی پشتڕاستبكاتەوە. پێده‌چێت ته‌قینه‌وه‌كان به‌هۆی بەرزبونەوەی پلەكانی گەرماوە بێت كە له‌ وه‌رزی هاوین به‌غدا ده‌گرێته‌وه‌

یەكێك له‌ به‌رپرسەكانهی ئیداره‌ی تره‌مپ  بە ئاژانسەكەی راگەیاندوە، "ئه‌مه‌ریكا به‌رهه‌ڵستی ئه‌و بیرۆكه‌یه‌ ده‌كات، كه‌ باس له‌ بونی دەستی ئیسرایل دەكات بۆردومانەكان بۆ سەر جبەخانەكانی حەشدی شەعبی، بەڵكو پێده‌چێت ته‌قینه‌وه‌كان به‌هۆی بەرزبونەوەی پلەكانی گەرماوە بێت كە له‌ وه‌رزی هاوین به‌غدا ده‌گرێته‌وه‌".

كۆماری ئیسلامی ئێران تۆمه‌تباری راسته‌قینه‌یە، چونكە چه‌ك و ته‌قه‌مه‌نییه‌كانی ده‌گوازێته‌وه‌ ناو خاكی عێراق و راده‌ستی هه‌ندێك میلیشیای ده‌كات

ئاژانسەكە نوسیویەتی،"بەوتەی بەرپرسەكانی ئەمریكا، كۆماری ئیسلامی ئێران تۆمه‌تباری راسته‌قینه‌یە، چونكە چه‌ك و ته‌قه‌مه‌نییه‌كانی ده‌گوازێته‌وه‌ ناو خاكی عێراق و راده‌ستی هه‌ندێك میلیشیای ده‌كات، كه‌ ناتوانن كۆنترۆڵی ئه‌و چه‌كانه‌ بكه‌ن".ئاماژەیان بەوەشكردوە كە ئێران لە هەوڵدایە عێراق بكاتە شوێنكه‌وتوی خۆی و هاوشێوەی ئەو پلانەی لەگەڵ سوریا جێبەجێی كرد.ئێوارەی پێنجشەممە 22/8/2019، رۆژنامەی نیویۆرك تایمزی ئەمریكی لە زاری بەرپرسێكی باڵای هەواڵگری ئەمریكا لە رۆژهەڵاتی ناوەڕاست بڵاویكردوەتەوە، كە ئیسرائیل بۆردومانی كۆگایەكی چەكی هێزەكانی حەشدی شەعبی كردوە لەباكوری بەغدا لە مانگی تەموزی رابردودا.رۆژنامەكە لەزاری ئەو بەرپرسەوە بڵاویشیكردوەتەوە كە لەو كۆگایەوە چەك گواستراوەتەوە بۆ سوریاو توانراویش موشەكێك لەناوببرێت كە مەودای هەڵدانی 200 كیلۆمەتر بوە.هەر بە گوێرەی زانیارییەكانی رۆژنامەكە كە بەپشت بەستن بە وتەی ژمارەیەك بەرپرسی ئەمریكا بڵاویكردوەتەوە، ئیسرائیل هێرشەكانی چەند رۆژی رابردوی عێراقی ئەنجامداوە، ئەوەش بەبیانوی پشتگیریكردنی حەشدی شەعبی لە ئێران و دژایەتیكردنی ئەمریكا لە خاكی عێراق.








نیشانەکردن



زۆرترین






ڤیدیۆ- وێنە





Trending