English | عربي

كۆنترول لسه‌ر سنۆرى ناڤبه‌را رۆژئاڤایى كوردستانێ و شنگالدا نینه‌


كۆنترول لسه‌ر سنۆرى ناڤبه‌را رۆژئاڤایى كوردستانێ و شنگالدا نینه‌

2019/08/24 | 23:30

(هەواڵ كوردستان)-

سه‌رۆكێ هوزه‌كێ ئێزدییان ل شنگال دیار كر هه‌كه‌ ده‌ڤه‌ره‌كا ئارام ل شنگال ناڤبه‌را حكومه‌تا هه‌رێما كوردستانێ و حكومه‌تا عێراقى و نه‌ته‌وه‌یێن ئێكگرتى بۆ شنگال بهێته‌ چێكرن، دێ ئاواره‌ شێن ڤه‌گه‌رن.

 

ده‌خیل مراد، سه‌رۆك هوزا ئه‌لدخكى ل قه‌زا شنگال بۆ (باسنیوز) دیار كر: "كێشه‌یا شنگال گه‌له‌ك مه‌زن بوویه‌ و سال دووڤ سالی مه‌زنتر دبیت، هیچ پێنگاڤه‌ك ژلایێ به‌غدا ڤه‌ بۆ چاره‌كرنا كێشه‌یا شنگال ناهێته‌ هاڤیتن، نوكه‌ ژى پشتى ل وه‌لاتى سوریا، ده‌مێ ناوچه‌كا ئارام دهێته‌ چێكرن، ئه‌و داعشێن ل سوریا هه‌موو دێ سنورى شنگال و رۆژئاڤایى كوردستانێدا هێنه‌ ناڤ عێراقى دا، چونكو كۆنترول لسه‌ر سنورى نینه‌، له‌ورا باشتره‌ ناوچه‌كا ئارام بۆ شنگال ژى بهێته‌ دروستكرن، داكو رێگریى ل تیرۆرستێن داعش بهێته‌ گرتن و ئاوارێن شنگال ژى بشێن ڤه‌گه‌رن سه‌ر جه و مالێن خوه‌".

 

ئاشكه‌را كر كو، شانده‌كێ سه‌رۆك هۆزین ئێزدییان، به‌رى چه‌نده‌كێ چوونه‌ به‌غدا و چه‌ندین دانوستاندن دگه‌ل به‌رپرسێن عێراقى كرن، لسه‌ر چاره‌سه‌ركرنا ره‌وشا شنگال، لێ ئه‌م وه‌سا تێگه‌هشتن، كو به‌غدا ل به‌ر نینه‌ شنگال خوش بكه‌ت، چونكو چه‌ند داخوازى بۆ زڤرینا ئاواران مه‌ پێشكێشى به‌غدا كرن، لێ رازیبوون لسه‌ر نه‌بوو، ژوانا ژى مه‌ گۆت نها چوو نه‌خۆشخانا ل شنگال ئاڤا نه‌كه‌ن، بتنى بنگه‌هیێن ته‌ندروستى دروست بكه‌ن و هنده‌ك خزمه‌تگوزارییان بگه‌هینه‌ شنگال، هه‌ر كه‌سه‌كێ ڤه‌گه‌ریت ب كیماسى دوو ملیۆن دیناران وه‌كو هاریكارى پێشكێشى وی بكه‌ن، داكو بشیت ناڤمالیا خوه‌ پێ سه‌روبه‌ر بكه‌ت.

 

گۆتژی: "لێ ئه‌ڤه‌ هه‌موو نه‌هاتنه‌ كرن بۆ شنگال، له‌ورا ئه‌م بێژن هه‌بوونا په‌كه‌كێ و حه‌شدا شه‌عبى و گرووپێن دى یێن چه‌كدار ل شنگال، چوو جاران نابیته‌ رێ خوشكرن بۆ باشكرنا شنگال، پێدڤیه‌ هه‌موو هێز و گرووپ ژ شنگال ده‌ربكه‌ڤن و ناوچه‌كا ئارام بهێته‌ چێكرن، دا خه‌لك بشێن ته‌ناهیى مالێن خوه‌دا بژین".

 

مه‌حما خه‌لیل، راوێژكارى كاروبارین ئێزدییان ل په‌رله‌مانێ كوردستانێ دیار كر: "كاركرنا ناوچه‌كا ئارام بۆ سوریا، دێ كارتیكرنه‌كا مه‌زن ل سه‌ر شنگال و سنورى شنگال و رۆژئاڤایى كوردستانێ دروست كه‌ت، چونكو چوو كۆنترول ل وێ ده‌ڤه‌رى نینه‌".

 

راوێژكارى كاروبارین ئێزدییان ل په‌رله‌مانێ كوردستانێ راگه‌هاند، كو ژبه‌ر ڤێ چه‌ندى ئه‌م پێشنیازا دروستكرنا ناوچه‌كا ئارام بۆ شنگال دكه‌ن، به‌رى نوكه‌ ئێزدییان دگۆت جینوسایدا و ناوچه‌كا ئارام، ئه‌م داخوازى دكه‌ین شنگال بیته‌ ناوچه‌كا ئارام و چه‌ك تێدا بكار نه‌هێت، ب چاڤدێرى و هه‌ماهه‌نگی و هه‌ڤكاریا و ئه‌مەریكا و حكوومه‌تا عێراقى و حكوومه‌تا هه‌رێما كوردستانێ ناوچه‌كا ئارام بۆ شنگال بهێته‌ دروستكرن، ئه‌ڤه‌ داخوازیا خه‌لكێ شنگالێ یه‌ ئه‌ڤرۆكه‌، ده‌م هات هێزین نه‌ قانوونى ده‌ستان ژ شنگال به‌رده‌ن، ئه‌و مه‌ترسیا لسه‌ شنگال هه‌ى مه‌ترسیا ل سه‌ر مووسل.

 

خۆیا ژى كر: " گه‌له‌ك هۆزێن عه‌ره‌بان یێن سالا 2014 بووینه‌ چه‌كدارێن تیرۆرستێن داعش، به‌ره‌ڤ سنورى بهێن بگه‌هنه‌ شنگال، له‌ورا ئه‌م دخوازن سنور بهێته‌ پاراستن و ئه‌و عه‌ره‌ب بووینه‌ داعش نه‌زڤرنه‌ ده‌ڤه‌رێ، هه‌كه‌ ده‌ڤه‌ره‌كا ئارام بۆ شنگال بهێته‌ چێكرن، دێ ئاواره‌ شێن ڤه‌گه‌رنه‌ سه‌ر جه و مالێن خوه‌".

 








نیشانەکردن



زۆرترین






ڤیدیۆ- وێنە





Trending