تهندروستى عێراق، گیان لهدهستدانى ١٠٦ كەسی دیكەی به ڤایرۆسى كۆرۆنا راگهیاند
دیجیتاڵ میدیاى سپێده
وەزارەتی تەندروستیی و ژینگەی عێراق رایگەیاند، لە میانی ٢٤ كاتژمێری رابردوودا، دوو هەزار و ٣٣٤ كەسی دیكە تووشی ڤایرۆسی كۆرۆنای نوێ (COVID-19) بوون و ١٠٦ كەسی دیكەیش بەهۆی ڤایرۆسەكەوە گیانیان لەدەستداوە.
وەزارەتی تەندروستیی و ژینگەی عێراق لە راگەیەندراوێكدا، دوایین ئاماری سەبارەت بە قوربانییانی ڤایرۆسی كۆرۆنا لەو وڵاتە بڵاوكردەوە.
بەپێی راگەیەندراوەكە لە میانی ٢٤ كاتژمێری رابردوودا، ١٠٦ كەسی دیكە بەهۆی ڤایرۆسی كۆرۆنا، گیانیان لەدەستداوە و دوو هەزار و ٣٣٤ كەسی دیكەیش تووشی ڤایرۆسەكە بوون.
ئاماژە بەوەیش دراوە هەر لەو ماوەیەدا، هەزار و ٤٧٧ تووشبووی دیكەی ڤایرۆسی كۆرۆنا، چاكبوونەتەوە.
لە راگەیەندراوەکەدا ئەوەیش خراوەتە روو، كۆی گشتیی تووشبووان بە ڤایرۆسی كۆرۆنا لە عێراق، گەیشتووەتە ٥٨ هەزار و ٣٥٤ كەس و لەو ژمارەیەیش دوو هەزار و ٣٦٨ كەس گیانیان لەدەستداوە و ٣١ هەزار و ٧٧ی دیكەیش چاكبوونەتەوە.