تورکیا توپواران ئاواییگ لە دهۆک کرد
2020-07-04 00:00:00 - سەرچاوە: شـه‌فـه‌ق نيـوز
شەفەق نیوز/ وەڕیەوبەر ناحیەی کانی ماسی سەروە قەزای عمادیە لە پارێزگای دهۆک لە هەرێم کوردستان، ئمڕوو شەممە، خەوەردا ک توپەیل تورکی دووارە توپواران یەکیگ لە ئاوایەیل ناحیەگە کرد.
سەربەست عەقراوی ئەرا ئاژانس شەفەق نیوز وت: توپخانه‌ی تورکیە ئیوارەی ئمڕوو ئاوای بیدێهی تۆوپوارن كرد له باکوور ناحیەگە، و زیان لە دارستان و دالیەگان بویە چوونکە ئاوایەگە ئیسە چووڵە لە دانیشتوەیل.
عەقراوی دیاری کرد؛ وەرجە خەسەوکردن توپواران و گورزەیل تورکی لە ناوڕاس مانگ گوزەیشتە، جفتیارەگان سەردیانە دالیەیلیان، بەڵکم لەی وەختە نێەتوێنن بچنە ناو ناوچەگە لەترس په‌لامار سه‌ربازی توركیه. جی باسە ک دانیشتوەیل ئاوای بیدێهی لەوەر جەنگ ناوبەین سوپای تورکیا و چەکدارەیل پەکەکە ، وەرجە ساڵەیلیگ ماڵەیلیان هیشتننە جی.
