English | عربي

وەزیری پێشمەرگە لەگەڵ شاندێكی هەنگاریادا كۆبوەوە


وەزیری پێشمەرگە لەگەڵ شاندێكی هەنگاریادا كۆبوەوە

2019/08/28 | 13:25

(هەواڵ كوردستان)-

خەندان-وەزیری پێشمەرگە لە حكومەتی هەرێمی كوردستان، جموجۆڵە نوێیەکانی رێكخراوی چەكداری داعشی بۆ وەفدێکی ھەنگاری رونكردەوە و ھەردولاش بڕیاڕیاندا هەماهەنگیە سەربازیەکانی نێوانیان پەرەپێبدەن.دوێنێ سێشەممە شۆڕش ئیسماعیل، وەزیری پێشمەرگەی حكومەتی هەرێمی كوردستان لەگەڵ شاندێكی كونسڵگەری هەنگاریا بە سەرۆكایەتی میكلۆش سابۆ، جێگری سه‌رۆكی كونسڵی هه‌نگاریا له‌ هه‌ولێر كۆبوەوە و لەمیانی كۆبونەوەكەدا رایگەیاند "داعش له‌رێگه‌ی جموجۆڵی شاراوه‌وه‌، پلانی تازه‌ی هه‌یه‌ بۆ روبه‌ڕوبونه‌وه‌ی هه‌موو مرۆڤایه‌تی".هاوكات وەزیری پێشمەرگە لەو کۆبونەوەیەدا ستایشتی ھاوکارییەکانی حکومەتی  ھەنگاریای کردو و وتی "وڵاتی هەنگاریا هاوکارێکی باشی هێزەکانی پێشمەرگە بوە و ئەو هاریكایریانە لە مێژوی خۆماندا تۆمار دەكەین".بەگوێرەی زانیاریەکانی خەندان، لەو كۆبونەوە دوقۆڵیەدا، ھەردو لایەنی حکومەتی  ھەرێم و ھەنگاریا کۆکبون لەسەر پتەوكردنی زیاتری پەیوەندیەكان و لەم ڕوەشەوە شاندەكەی ھەنگاریا دڵنیاییان داوە کەبەردەوام دەبن لەسەر مەشق و راهێنان بە هێزەكانی پێشمەرگە.ئەو كۆبونەوەیە لەكاتێكدایە، تۆماس كیش ڤاری، به‌ڕێوه‌به‌ری ئۆفیسی سه‌ربازی هەنگاریا له‌ هه‌رێم كۆتایی هات و ژۆڵت ڤارگا، لە جێگەی كیش ڤاری وەك به‌ڕیوه‌به‌ری نوێی ئۆفیسی په‌یوه‌ندی سه‌ربازی له‌ كونسلگه‌ری هه‌نگاریا، ده‌ست به‌كار ده‌بێت.








نیشانەکردن



زۆرترین






ڤیدیۆ- وێنە





Trending