English | عربي

گەرمیان.. پاش سێ ساڵ بنەتۆو بۆ جووتیاران دابین كرا


گەرمیان.. پاش سێ ساڵ بنەتۆو بۆ جووتیاران دابین كرا

2019/08/29 | 10:55

(هەواڵ كوردستان)-

پاش سێ ساڵ لە راگرتنی بەرهەمهێنانی بنەتۆو بۆ ئەوەی لە وەرزی چاندنی گەنمدا بەسەر جووتیاراندا دابەش بكرێ، بۆ وەرزی چاندنی گەنمی ئەمساڵ كشتوكاڵی گەرمیان بڕی (325) تۆن گەنمی بۆ بنەتۆو بەرهەم هێناوە و ئامادەی كردووە بەسەر جووتیاراندا دابەشی بكات.

 

لەمبارەوە، ئەمڕۆ پێنجشەممە 29 / 8 / 2019 سیروان حەسەن، بەرێوەبەری بەرهەمهێنان و پەسەندكردنی بنەتۆو لە بەڕێوەبەرایەتیی گشتی كشتوكاڵی گەرمیان بە (باسنیوز)ی راگەیاند: "ناوچەی گەرمیان كە ناوچەیەكی كشتوكاڵیی گرنگە بۆ دابینكردنی بنەتۆو، بۆیە ئێمە لە ساڵی 2009 وە تا ساڵی 2016 بەرنامەیەكمان هەبوو بۆ دابەشكردنی بنەتۆو بەسەر جووتیاراندا، بەڵام بەهۆی قەیرانی داراییەوە لە 2016 كە بودجە بڕا، نەمانتوانی هیچ بودجەیەك بۆ كڕینی بنەتۆو بۆ جووتیاران دابین بكەین."

 

گوتیشی: "بۆ ئەمساڵ ساڵی 2019  توانیومانە بڕی (325) تۆن بنەتۆو بۆ جووتیاران دابین بكەین."

 

ئەو بەرپرسە لە كشتوكاڵی گەرمیانن ئەوەشی خستە ڕوو: "ئەو بنەتۆوەمان لە كیڵگەكانی گەرمیان دابین کردووە و جۆرێكی باشە و لە وەرزی چاندنی گەنمدا بەسەر جووتیاراندا دابەشی دەکەین".

 








نیشانەکردن



زۆرترین






ڤیدیۆ- وێنە





Trending