English | عربي

قوباد تاڵەبانی لەگەڵ ئەمریكی و نەرویجییەكان باس لە پرسەكانی بودجە و نەوت و ئاسایش دەكات


قوباد تاڵەبانی لەگەڵ ئەمریكی و نەرویجییەكان باس لە پرسەكانی بودجە و نەوت و ئاسایش دەكات

2019/08/29 | 22:15

(هەواڵ كوردستان)- خەندان-قوباد تاڵەبانی جێگری سەرۆكی ئەنجومەنی وەزیران لە دو كۆبونەوەی جیادا لەگەڵ شاندی كۆنسوڵخانەی ئەمەریكا لە هەولێر و شاندێكی دیپلۆماسی نەرویجیدا بابەتەكانی بودجە و نەوت و ئاسایش و پەیوەندییەكانی هەولێر _ بەغدای تاوتوێکرد.لە هەردو كۆبونەوەكەدا كە پێنج شەممە 29 ئابی 2019 لە هەولێر بەڕێوەچو، قوباد تاڵەبانی باسی لە پاراستنی ئاسایش و سەقامگیری ناوچەكە كرد لە پاش سەرهەڵدانەوەی مەترسی پاشماوەكانی داعش لەناوچە سنورییەكان و پێداگریی كرد لەسەر دەستپێكردنەوەی جێبەجێكردنی مادەی 140ی دەستوری عێراق كە تایبەتە بە چارەنوسی ناوچە جێناكۆكەكان.

هەنگاوەكانی كابینەی نوێی حكومەتی هەرێمی لە پێناو چارەسەركردنی كێشەكان و باشكردنی خزمەتگوزارییەكان و درێژەپێدان و گشتاندنی زیاتری چاكسازییەكان خرایەرو

قوباد تاڵەبانی هەنگاوەكانی كابینەی نوێی حكومەتی هەرێمی بۆ شاندە میوانەكان خستەڕو لە پێناو چارەسەركردنی كێشەكان و باشكردنی خزمەتگوزارییەكان و درێژەپێدان و گشتاندنی زیاتری چاكسازییەكان و دوا بەرەوپێشچونەكانی پەیوەندی هەولێر _ بەغدای ڕونكردەوە.شاندی کۆنسوڵخانەی ئەمەریكا جگە لە ستیڤ فەیگنی كونسوڵی گشتی، ئەندرۆ لیندز بەرپرسی كاروباری سیاسی و ئابوری کۆنسوڵخانەی لەخۆگرتبو، شاندە نەرویجییەكەش بە سەرۆكایەتی کنوت لینی نێردەی تایبەتی نەرویج بۆ عێراق و سوریا و بە یاوەری تۆنی ئالێرز باڵیۆزی نەرویج لە بەغدا و رۆر هەگسدال جێگری باڵیۆز و راوێژكاری پێشكەوتووی باڵیۆزخانە بو.








نیشانەکردن



زۆرترین






ڤیدیۆ- وێنە





Trending