English | عربي

داوای دروستكردنی لیژنەی دەرخستنی راستیەكان دەكاتسامان گەرمیانی نامەیەكی كراوە ئاراستەی جێگرانی سكرتێری گشتی یەكێتی دەكات


داوای دروستكردنی لیژنەی دەرخستنی راستیەكان دەكاتسامان گەرمیانی نامەیەكی كراوە ئاراستەی جێگرانی سكرتێری گشتی یەكێتی دەكات

2019/08/30 | 15:05

(هەواڵ كوردستان)- خەندان-

سامان گەرمیانی ئەندامی سەركردایەتی یەكێتی رایگەیاند،"‎ماوەیەكە چەندین نەیارو خۆ بەیارزانی نێو یەكێتی.

بەبێ لە بەرچاوگرتنی مێژو و خەباتی من هەستاون بە بڵاوكردنەوەی پڕوپاگەندەو درۆی بێبنەما لەسەر بەندەو خێزانەكەم" داواشی لە جێگرانی سكرتێری گشتی یەكێتی كردوە كە لیژنەیەك دروستبكەن بۆ دەستكەوتنی ڕاستیەكان و بەسزاگەیاندنی تاوانبار و ڕونكردنەوەی ڕاستیەكان بۆ ڕای گشتی.‎لە راگەیەندراوێكدا بەناونیشانی (دوێنی خەبات ،ئەمڕۆ خەبات ، سبەی خەبات) سامان گەرمیانی نوسیویەتی،"‎كاتێك شۆڕشی ئەیلول بڕیاری دا چیتر مقاوەمەت نەكات و ئاشبەتاڵی ڕاگەیاند، لە ساڵی 1976 بەندە بەشانازیەوە یەكێك بوم لە مەفرەزە سەرەتاییەكانی شۆرشی نوێ و یەكێك لەو پێشمەرگانەی كە ژمارەمان لە پەنجەكانی دەست تێپەڕی نەدەكرد، بەڕابەرایەتی مامجەلال بەگژ مەحاڵدا دەچوینەوە"

بە هەمو تەمەنی پێشمەرگایەتیم یەكێك بوم لەو پێشمەرگانەی كە پرانسیپەكانی شۆڕش و كۆمەڵەم لە جێگەی هەمو ڕێساو یاساكانی باقی ژیان جێبەجێ كردوە

سامان گەرمیانی دەڵێت،"بە هەمو تەمەنی پێشمەرگایەتیم یەكێك بوم لەو پێشمەرگانەی كە پرانسیپەكانی شۆڕش و كۆمەڵەم لە جێگەی هەمو ڕێساو یاساكانی باقی ژیان جێبەجێ كردوە.

بە تاڵە مویەكیش لە پەیڕەو و پرۆگرامی یەكێتی و شۆڕش لامنەداوەو لە پێناو گەیشتن بە مافە ڕەواكانی گەلەكەمان سەرسەختانە دژی هەمو كەسو  لایەن و گروپێك ڕاوەستاوم كە بە وشەیەكیش خیانەتیان لەم خاك و نیشتمانە كردبێت. 

لە دانوستاندنەكەی ساڵی 1984 حكومەتی بەعس لە هەمو پێشمەرگەی كوردستان خۆش بو تەنها لە (شەهید سەید كەریم،مامە ڕیشە ،ئازادی سەگرمەو بەندە) نەبێت

دەشڵێت،"لە دانوستاندنەكەی ساڵی 1984 حكومەتی بەعس لە هەمو پێشمەرگەی كوردستان خۆش بو تەنها لە (شەهید سەید كەریم،مامە ڕیشە ،ئازادی سەگرمەو بەندە) نەبێت، چونكە هەرشوێنێك بەعس و بەكرێگیراوانی بەعسی لێ بوبێت بەبێ سڵەمینەوە بەسزای گەل و شۆڕشمان گەیاندون".

مامی گەورە وای فێركردین خۆمان پێشەكی بۆ سەگوەڕ بنوسین

ئەو ئەندامەی سەركردایەتی یەكێتی دەڵێت،"‎مامی گەورە وای فێركردین خۆمان پێشەكی بۆ سەگوەڕ بنوسین.

بەهەمو تەمەنی پێشمەرگایەتی و سیاسیم بە یەك وشەش نەك فایل، خیانەتم لە خاك و وڵات و یەكێتی نەكردوە! ڕوخانی ڕژێم زۆر شتی ڕونكردەوە.

ئێستاش لێرەوە تەحەدای هەرچی ڕاپۆرت نووس و جاسوس و مەوقیف فرۆش و هتد ، دەكەم بەهەمو تەمەنی پێشمەرگایەتی و سیاسیم و ئەمڕۆشی پێوەبێت ئەگەر شتێكیان لایە لەسەر ئەخلاقی سیاسی و كۆمەڵایەتی و تەهریب و تاڵانفرۆشی و نەوت فرۆشی و پەیوەندی ژێربەژێری ئەملا وئەولام بێ یەك ودو بڵاوی بكەنەوەو ئامادەی دادگایی گەل دەبم لە پێش دادگایی پەروەردگار".

"‎ماوەیەكە ژان و بایی كۆنگرەوە و هەستانەوەی یەكێتی كاریگەری نەرێنی كردۆتە سەر چەندین نەیارو خۆ بەیارزانی نێو یەكێتی نیشتمانی كوردستان.

ئەمەو بەبێ لە بەرچاوگرتنی مێژو و خەباتی من هەستاون بە بڵاوكردنەوەی پڕوپاگەندەو درۆی بێبنەما لەسەر بەندەو خێزانەكەم

لەو راگەیەندراوەدا، سامان گەرمیانی پەیامێكی ئاراستەی جێگرانی سكرتێری گشتی و  ئەندامانی مەكتەبی سیاسی و سەركردایەتی و ئەنجومەنی ناوەند و سەرجەم هەڤاڵانی یەكێتی كردوە و دەڵێت،"‎ماوەیەكە ژان و بایی كۆنگرەوە و هەستانەوەی یەكێتی كاریگەری نەرێنی كردۆتە سەر چەندین نەیارو خۆ بەیارزانی نێو یەكێتی نیشتمانی كوردستان.

ئەمەو بەبێ لە بەرچاوگرتنی مێژو و خەباتی من هەستاون بە بڵاوكردنەوەی پڕوپاگەندەو درۆی بێبنەما لەسەر بەندەو خێزانەكەم". 

كاتێك كاندید بوم بۆ پۆستێكی باڵا لە حوكمەتی نوێدا، هەستان بە تۆمەتباركردنم بە تۆمەتی هەڕەشە و پەلاماردان كە خودی جێگری سكرتێری گشتی بە سووپاسەوە بەدواداچونی بۆ بابەتەكە كردو بێتاوانیم پشتڕاست كرایەوە

راشیگەیاندوە،"ئەمە كاری یەكەمجاریان نییە، بەڵكو ماوەیەك لەمەوبەرو كاتێك كاندید بوم بۆ پۆستێكی باڵا لە حوكمەتی نوێدا، هەستان بە تۆمەتباركردنم بە تۆمەتی هەڕەشە و پەلاماردان كە خودی جێگری سكرتێری گشتی بە سووپاسەوە بەدواداچونی بۆ بابەتەكە كردو بێتاوانیم پشتڕاست كرایەوە". 

شێوازێكی زۆر قێزەونە بۆ بەدەستهێنانی مەرامە گڵاوەكانیان كە یەكێتی وەك كۆمپانیایەك ئەبینن بۆ تێركردنی ئارەزوەكانیان یاخود بۆ بەشبەشكردنی یەكێتییەكەمان و ڕێگریكردن لە پرۆسەی نوێبونەوەو گەڕانەوە بۆ لوتكە

سامان گەرمیانی نوسیویەتی،"ئێستا كە بەرەو كۆنگرە دەڕۆین بۆ جاری دوەم دەستكراوە بە هێرشێكی تر بەرامبەرم وەكو بەشێك لە پیلانگێڕی بۆ تێپەڕاندنی دۆخی كۆنگرەو دروستكردنی دوبەرەكی لە نێوان دڵسۆزانی یەكێتیەكەمان كە ئەمەش شێوازێكی زۆر قێزەونە بۆ بەدەستهێنانی مەرامە گڵاوەكانیان كە یەكێتی وەك كۆمپانیایەك ئەبینن بۆ تێركردنی ئارەزوەكانیان یاخود بۆ بەشبەشكردنی یەكێتییەكەمان و ڕێگریكردن لە پرۆسەی نوێبونەوەو گەڕانەوە بۆ لوتكە".

داوا دەكات لیژنەیەك دروستبكرێت بۆ دەستكەوتنی ڕاستیەكان و بەسزاگەیاندنی تاوانبار و ڕونكردنەوەی ڕاستیەكان بۆ ڕای گشتی و هەڤاڵان و ئەندامانی یەكێتی

ئەو ئەندامەی سەركردایەتی یەكێتی داوا دەكات لیژنەیەك دروستبكرێت بۆ دەستكەوتنی ڕاستیەكان و بەسزاگەیاندنی تاوانبار و ڕونكردنەوەی ڕاستیەكان بۆ ڕای گشتی و هەڤاڵان و ئەندامانی یەكێتی نیشتمانی كوردستان.

دڵنیاتان دەكەمەوە كە تادوا نەفەسیش ڕێبازی مامی گەورەو یەكێتیەكەم بەرنادەم

لە كۆتاییدا پەیامێكی ئاراستەی ئەو كەسانە كردوە كە بەوتەی خۆی تۆمەتیان ئاراستەكردوە و دەڵێت،"خەیاڵتان خاوە، شۆڕشگێڕی، كوردپەروەری و یەكێتی بونی من لە ساڵی 1976 وە ڕەگی داكوتاوە و تا ئەمڕۆ بە یەك ئاڕاستە خەباتم كردوە و بۆ تەنها ڕۆژێكیش ڕیزەكانی یەكێتی نیشتمانی كوردستانم جێنەهێشتوە.

دڵنیاتان دەكەمەوە كە تادوا نەفەسیش ڕێبازی مامی گەورەو یەكێتیەكەم بەرنادەم".دەقی ڕاگەیەندراوەكە:دوێنی خەبات ،ئەمڕۆ خەبات ، سبەی خەبات ! نامەیەكی كراوە:‎كاتێك شۆڕشی ئەیلول بڕیاری دا چیتر مقاوەمەت نەكات و ئاشبەتاڵی ڕاگەیاند، لە ساڵی ۱۹۷٦ بەندە بەشانازیەوە یەكێك بووم لە مەفرەزە سەرەتاییەكانی شۆرشی نوێ و یەكێك لەو پێشمەرگانەی كە ژمارەمان لە پەنجەكانی دەست تێپەڕی نەدەكرد.

بە ڕابەڕایەتی سەركردەو ڕابەر هەڤاڵ ”مام جەلال” كە لە پێناو داكۆكی كردن لە مافەڕەواكانی میللەتەكەمان و پاراستنی هەیبەتی تاكی كورد بەگژ مەحاڵدا دەچووینەوە، ئەمە لە كاتێكدا كە مێژوو خۆی گەواهی دەرە كە لەو ڕۆژانەدا وەستانەوە لە بەرامبەر ڕژێمی فاشیستی بەعس چ جۆرە تەحەدایەك بوو!‎هاوڕێكانم و خەڵكی ناوچە جیاوازەكانی مەیدانی خەبات و بە تایبەتی دەڤەری گەرمیان شاهیدو زیندوون كە بە هەموو تەمەنی پێشمەرگایەتیم یەكێك بووم لەو پێشمەرگانەی كە پرانسیپەكانی شۆڕش و كۆمەڵەم لە جێگەی هەموو ڕێساو یاساكانی باقی ژیان جێبەجێ كردووە.

بە تاڵە مویەكیش لە پەیڕەوو پرۆگرامی یەكێتی و شۆڕش لامنەداوەو لە پێناو گەیشتن بە مافە ڕەواكانی گەلەكەمان سەرسەختانە دژی هەموو كەس و لایەن و گروپێك ڕاوەستاوم كە بە ووشەیەكیش خیانەتیان لەم خاك و نیشتمانە كردبێت.

بەڵگەش بۆ ئەم قسانەم زۆرە بۆ نموونە لە دانووستاندنەكەی ساڵی ١٩٨٤ حكومەتی بەعس لە هەموو پێشمەرگەی كوردستان خۆش بوو تەنها لە (شەهید سەید كەریم،مامە ڕیشە ،ئازادی سەگرمەو بەندە) نەبێت، چونكە هەرشوێنێك بەعس و بەكرێگیراوانی بەعسی لێ بووبێت بەبێ سڵەمینەوە بەسزای گەل و شۆڕشمان گەیاندوون.‎مامی گەورە وای فێركردین خۆمان پێشەكی بۆ سەگوەڕ بنووسین.

بەهەموو تەمەنی پێشمەرگایەتی و سیاسیم بە یەك ووشەش نەك فایل خیانەتم لە خاك و وڵات و یەكێتی نەكردووە! ڕووخانی ڕژێم زۆر شتی ڕوونكردەوە.

ئێستاش لێرەوە تەحەدای هەرچی ڕاپۆرت نووس و جاسوس و مەوقیف فرۆش و هتد ، دەكەم بەهەموو تەمەنی پێشمەرگایەتی و سیاسیم و ئەمڕۆشی پێوەبێت ئەگەر شتێكیان لایە لەسەر ئەخلاقی سیاسی و كۆمەڵایەتی و تەهریب وتاڵانفرۆشی ونەوت فرۆشی و پەیوەندی ژێربەژێری ئەملا وئەولام بێ یەك ودوو بڵاوی بكەنەوەو ئامادەی دادگایی گەل دەبم لە پێش دادگایی پەروەردگار.‎بەڕێزان جێگرانی سكرتێری گشتی، ئەندامانی‎مەكتەبی سیاسی، ئەنجومەنی سەركردایەتی، ئەنجومەنی ناوەند،‎هەڤاڵانی هێژاو ئازیز لە هەر ئۆرگانێك و شوێنێك بن:‎ماوەیەكە ژان و بایی كۆنگرەوە و هەستانەوەی یەكێتی كاریگەری نەرێنی كردۆتە سەر چەندین نەیارو خۆ بەیارزانی نێو یەكێتی نیشتمانی كوردستان.

ئەمەو بەبێ لە بەرچاوگرتنی مێژوو و خەباتی من هەستاون بە بڵاو كردنەوەی پڕوپاگەندەو درۆی بێبنەما لەسەر بەندەو خێزانەكەم.

ئەمەش كاری یەكەمجاریان نییە بەڵكو ماوەیەك لەمەوبەرو كاتێك كاندید بووم بۆ پۆستێكی باڵا لە حوكمەتی نوێدا هەستان بە تۆمەتباركردنم بە تۆمەتی هەڕەشە و پەلاماردان كە خوودی جێگری سكرتێری گشتی بە سووپاسەوە بەدواداچوونی بۆ بابەتەكە كردوو بێتاوانیم پشتڕاست كرایەوە.

ئێستاش كە بەرەو كۆنگرە دەڕۆین بۆ جاری دووەم دەستكراوە بە هێرشێكی تر بەرامبەرم وەكو بەشێك لە پیلانگێڕی بۆ تێپەڕاندنی دۆخی كۆنگرەو دروستكردنی دووبەرەكی لە نێوان دڵسۆزانی یەكێتیەكەمان كە ئەمەش شێوازێكی زۆر قێزەونە بۆ بەدەستهێنانی مەرامە گڵاوەكانیان كە یەكێتی وەك كۆمپانیایەك ئەبینن بۆ تێركردنی ئارەزووەكانیان یاخوود بۆ بەش بەش كردنی یەكێتییەكەمان و ڕێگریكردن لە پرۆسەی نوێبوونەوەو گەڕانەوە بۆ لووتكە.‎بۆیە من لێرەوە داواكارم لە بەڕێزتان بفەرموون بە دروستكردنی لیژنەیەك بۆ دەستكەوتنی ڕاستیەكان وبەسزاگەیاندنی تاوانبار و ڕوونكردنەوەی ڕاستیەكان بۆ ڕای گشتی و هەڤاڵان و ئەندامانی یەكێتی نیشتمانی كوردستان.پەیامیشم بۆ ئەو كەسانەی كە پێیانوایە بەم جۆرە هێرشانە دڵسۆزی و وەفای من بۆ گەلەكەم و یەكێتیەكەم كاڵ دەبێتەوە، پێیان دەڵێم خەیاڵتان خاوە، شۆڕشگێڕی، كوردپەروەری و یەكێتی بوونی من لە ساڵی ۱۹۷٦ وە ڕەگی داكوتاوە و تا ئەمڕۆ بە یەك ئاڕاستە خەباتم كردووە و بۆ تەنها ڕۆژێكیش ڕیزەكانی یەكێتی نیشتمانی كوردستانم جێنەهێشتووە.

وە دڵنیاتان دەكەمەوە كە تادوا نەفەسیش ڕێبارزی مامی گەورەو یەكێتیەكەم بەرنادەم.براتان سامان گەرمیانی۲۹_۸_۲٠۱۹








نیشانەکردن



زۆرترین






ڤیدیۆ- وێنە





Trending