English | عربي

وەزارەتی دارایی دەست بەدابەشکردنی موچەی مانگی حوزەیران دەکات


وەزارەتی دارایی دەست بەدابەشکردنی موچەی مانگی حوزەیران دەکات

2019/09/01 | 09:00

(هەواڵ كوردستان)-

خەندان-سەرچاوەیەک لە وەزارەتی دارایی و ئابوری رایگەیاند، هەفتەی داهاتو دابەشکردنی موچەی مانگی حوزەیران دەستپێدەکات و سەرەتاش موچەی وەزارەتی پێشمەرگە و لیواکان دابەش دەکرێت.سەرچاوەیەک لە وەزارەتی دارایی و ئابوری حکومەتی هەرێم بە خەندان- راگەیاند، رۆژی پێنجشەممە ڕێکەوتی ٢٠١٩/٩/٥ موچەی مانگی شەشی وەزارەتی پێشمەرگە و لیواکان دابەش دەکرێت.ئاماژەی بەوەشکرد، ڕۆژی یەکشەممە ڕێکەوتی ٢٠١٩/٩/٨ موچەی یەکەکانی ٧٠ و ٨٠ی وەزارەتی پێشمەرگە دابەش دەکرێت، ڕۆژی دوشەممە ڕێکەوتی ٢٠١٩/٩/٩ پشوی فەرمیە موچەی هیچ وەزارەتێك دابەش ناکرێت.سەرچاوەکە وتیشی، "ڕۆژی سێشەممە ڕێکەوتی ٢٠١٩/٩/١٠ موچەی وەزارەتی پەروەردە و ڕۆژی چوارشەممە ٢٠١٩/٩/١١ موچەی وەزارەتی دارایی و ڕۆژی پێنجشەممە ڕێکەوتی ٢٠١٩/٩/١٢ موچەی وەزارەتی تەندروستی دابەش دەکرێت".وەزارەتی دارایی و ئابوری لەمساڵدا هەشت موچەی فەرمانبەرانی دابەشکردوە، سێ موچەیان هی مانگەکانی 10، 11 و 12ی ساڵی رابردو بو، کە بەهۆی "قەیرانی دارایی"یەوە نەدرابو، هەروەها پێنج موچەی ئەمساڵیش دابەشکراوە.وەزارەتی دارایی و ئابوری هەرێمی کوردستان بۆ دابەشکردنی موچە پشتبە دو سەرچاوەی دارایی دەبەستێت، یەکەمیان، فرۆشتنی نەوتی هەرێمی کوردستانە بەشێوەی سەربەخۆ، دوەمیان ناردنی پشکی هەرێمی کوردستانە لە بەغداوە کە مانگانە 522 ملیار دینارە.








نیشانەکردن



زۆرترین






ڤیدیۆ- وێنە





Trending