English | عربي

ئاسایشی هەولێر دەستگیرکردنی تیرۆریستێکی داعشی ڕاگەیاند


ئاسایشی هەولێر دەستگیرکردنی تیرۆریستێکی داعشی ڕاگەیاند

2019/09/01 | 21:05

(هەواڵ كوردستان)-

بەڕێوەبەرایەتی ئاسایشی هەولێر لە ڕاگەیەندراوێکدا دەستگیرکردنی تیرۆریستیێکی داعشی لە کەمپێکی ئاوارەکان لە شارەدێی دیبەگە ڕاگەیاند.

 

لە ڕاگەیەندراوەکەدا کە وێنەیەکی بۆ(باسنیوز) نێردراوە ئاسایشی هەولێر ئاشکرای کردووە کە دوای ڕووداوێکی کوشتن لە کەمپێکی ئاوارەکانی شارەدێی دیبەگە کەسێکیان دەستگیرکردووە کە سەر بە ڕێکخراوی تیرۆریستی داعش بووە و لەسەر ڕاسپاردەی داعش و لەگەڵ چەند کەسێکی دیکە تاوانەکەیان ئەنجامداوە.

 

ئەمەی خوارەوە ده‌قی راگه‌یه‌ندراوه‌كه‌ی ئاسایشی هه‌ولێرە:

بەرەبەیانی شەوی ڕابردوو 1/9/2019 ڕووداوێکی کوشتن لەکامپی ئاوارەکانی ناحیەی دیبەگە ڕوویدا، کەتیایدا هاووڵاتیەکی دانیشتووی کەمپەکە بەناوی (یوسف عامر محه‌مه‌د) كه‌ له‌ بنه‌ڕه‌تدا خەڵکی دەوروبەری قەزای شەرگاتە، بەسەر بڕاوی دۆزرایەوە.

دوای گەیشتنی هەواڵەکە بە ئێمە تیمەکانی لێکۆڵینەوە و بەدواداچوونی بەرێوەبەرایەتیمان هەڵسان بە لێکۆڵینەوەی ورد لەسەر ئەم تاوانە و لە ئەنجامدا توانرا یەکێكک لە تاوانباران بەناوی (ئەحمەد خه‌لیفە ئەحمەد مەتەر کوخان) له‌دایكبووی 2004، دانیشتووی کەمپەکە دەستگیر بکرێت.

تاوانبار دانیناوە بەوەی سەر بە تیرۆرستانی داعشە و لەگەڵ چوار تیرۆرستی تر هەڵساون بە ئەنجامدانی ئەم تاوانە لەسەر راسپاردەی داعش.

تاوانبار بەماددەی 4ی تیرۆر بەندە و لێکۆڵینەوەی زیاتری لەگەڵ دەکرێت و بەدواداچوونیش بۆ دەستگیرکردنی تاوانبارانی تر بەردەوامە.

ڕاگەیاندنی بەڕێوەبەرایەتی ئاسایشی هەولێر

1/9/2019"








نیشانەکردن



زۆرترین






ڤیدیۆ- وێنە





Trending