وەزیریگ عراقی پەیمان دەێد ئنترنێت خاسه‌و نه‌ود ده‌س له كار كیشید
شەفەق نیوز/ حکومەت عراقی، رووژ سێشەممە، ئاشکرا کرد لە پەیمانیگ لە ئەرکان شەهاب ئەحمەد وەزیر پەیوەنیەگان، و دەسکیشانەوەی ئەگەر خزمەت 4 لە سەرەتای ساڵ ئایندە نەکەفێدە کار.
ئەحمەد مەلا تەڵال قسەکەر وەناو حکومەتەگە لە کۆنگرەیگ رۆژنامەوانی ك ئاژانس شەفەق نیوز ئامادەی بوی وت: ئەنجومەن وەزیران باس نووەوکردن مووڵەت کۆمپانیای پەیوەندیەگان کرد ئەرا پەنج ساڵ وە مەرجیگ قەرزەگان بیەن وە خزمەت نەوەی چوارم بارن، و دووپاتکرد؛ هیچ مووڵەتیگ نووەو نیەکریرێد وەرجە وەرگردن ٥% لە قەرزەگان.
مەلا تەڵال وتیش: وەزیر پەیوەندیەگان پەیمان دا وەدەسکیشانەوەی لە حکومەتەگە ئەگەر خزمەت 4G لە سەرەتای ساڵ ئایندە نەکەفێدە کار.
وەزارەت پەیوەندیەگان لە ١٣ حوزەیران گوزەیشتە، دەسکردە ئۆپراسیۆن "سەدمە" وە فەرمان سەرۆک وەزیرەیل، ئەرا ئاشکراکردن و دژایەتی قاچاخ بڕ ئەنترنێت لە عراق، ک خوەی گەوراترین ئۆپراسیۆن تایەبەتی هابەشانەیگە.
وەزارەتەگە لە ری ئاژانس شەفەق نیوز دویەکە دووشەممە، دووپاتکرد لە وەردەوامی ئۆپراسیۆن "سەدمە" ک خوازێد قاچاخی لە بڕ ئەنترنێت بووسنێد، و ئاشکراکرد ک ده‌ستهات ئەو ئۆپراسیۆنە نزیکەی ١٣ ملیار دینارە.
