English | عربي

خەندان زانیاری لەسەر كەمكردنەوەی كرێی خوێندن لە زانكۆ و پەیمانگە تایبەتەكان بڵاودەكاتەوە


خەندان زانیاری لەسەر كەمكردنەوەی كرێی خوێندن لە زانكۆ و پەیمانگە تایبەتەكان بڵاودەكاتەوە

2019/09/03 | 20:35

(هەواڵ كوردستان)-

خەندان-لە چوارچێوەى ڕیفۆرم و پلانەکان بۆ پێشخستنى کەرتى خوێندنى باڵا لە کوردستان، وەزارەتى خوێندنى باڵاو توێژینەوەى زانستى ئامادەکارى بۆ کەمکردنەوەى کرێى خوێندن لە زانکۆ و پەیمانگە تایبەتەکان و کرێى خوێندنى پارالێل دەکات.وەزارەتی خوێندنی باڵا ئامادەکارى دەکات بۆ کەمکردنەوەى کرێى خوێندن لە زانکۆ و پەیمانگە تایبەتەکان و کرێى خوێندنى پارالێل لە زانکۆکاندا

عەباس ئەکرەم، وتەبێژى وەزارەتى خوێندنى باڵا و توێژینەوەى زانستى لە لێدوانێکى تایبەتدا بۆ خەندان ڕایگەیاند،"بە هەوڵى ڕاستەوخۆى د.

ئارام محەمەد قادر، وەزیرى خوێندنى باڵا و توێژینەوەى زانستى و لە چوارچێوەى ڕیفۆرم و پلانەکان بەمەبەستى پێشخستنى کەرتى خوێندنى باڵا لە کوردستان، وەزارەتەکەمان ئامادەکارى دەکات بۆ کەمکردنەوەى کرێى خوێندن لە زانکۆ و پەیمانگە تایبەتەکان و کرێى خوێندنى پارالێل لە زانکۆکاندا".

وەزیرى خوێندنى باڵا لە پەیوەندى بەردەوامدابوە لەگەڵ سەرۆک زانکۆ تایبەتەکان بەمەبەستى گفتوگۆ و بیروڕا گۆڕینەوە لەسەر کەمکردنەوەى کرێى خوێندن

وتەبێژى وەزارەتى خوێندنى باڵا وتیشى،"وەزیرى خوێندنى باڵا لە پەیوەندى بەردەوامدابوە لەگەڵ سەرۆک زانکۆ تایبەتەکان بەمەبەستى گفتوگۆ و بیروڕا گۆڕینەوە لەسەر کەمکردنەوەى کرێى خوێندن، بۆ ئەمەش چاوەڕواندەکرێت لە داهاتویەکى نزیکدا  وردەکارى و هەوڵەکانى کەمکردنەوەى کرێى خوێندن لە زانکۆ و پەیمانگە تایبەتەکان بۆ ڕاى گشتى بخرێتەڕو".عەباس ئەکرەم ڕاشیگەیاند،"ئامانج لەم هەوڵەى وەزارەت ڕەچاوکردنى بارودۆخى دارایى خەڵکى کوردستان و ڕەخساندنى دەرفەتى زیاترى خوێندن و پەرەپێدانى تواناکانى گەنجانى هەرێمەکەمانە، بەشێوەیەک کە کەمکردنەوەى کرێى خوێندن کاریگەرى لەسەر کواڵێتى ناکات".








نیشانەکردن



زۆرترین






ڤیدیۆ- وێنە





Trending