دویای کوشتن هاشمی.. کازمی چەن فەرمانیگ دەێد کەرتە ئەمنیەگان


دویای کوشتن هاشمی.. کازمی چەن فەرمانیگ دەێد کەرتە ئەمنیەگان

2020/07/08 | 14:25 - سەرچاوە: شـه‌فـه‌ق نيـوز

( ئه‌م رۆژه‌ | هەواڵی كوردستان)- شەفەق نیوز/ موستەفا کازمی سەرۆک وەزیرەیل فەرماندەی گشتی هێزە چەکدارەگان، ئمڕوو چوارشەممە، ٣ رینما دا لە باوەت ماتۆرسکڵەگان، ئەویش دویای کەمتر لە ٤٨ ساعەت لە کوشتن هشام هاشمی پسپۆڕە ئەمنیەگە لە لایەن چەکدارەیلیگ نەناسریاگ وە ماتۆرسکڵ.لە بەڵگەنامەیگ کەفتە دەس ئاژانس شەفەق نیوز واژوو جیگر وەزارەت ناوخۆ لە باوەتەیل پۆلیس هەڵگردگە، هات: لەبان بنەمای کتاو وەڕیەوبەرایەتی وەزارەتەگە- ناوەند ئۆپراسیۆنەگان ژمارە ٧٧١٨ لە ٧/٧/٢٠٢٠ ک باس پەیوەندی تەلەفۆنی وەزیر ناوخۆ کەێد و لە ری چەودیری کارەیل کوشتن لە بەغداد و پارێزگاگان، دەرکەفت ک بکوشەیل ماتۆرسکڵ وەکارهاوردنە و هەر دووان لەبان یەک ماتۆرسکڵ.وتیش؛ لەو باوەتە، سەرۆک وەزیران فەرماندەی گشتی هێزە چەکدارەگان ئی رینمایلە دا:١/ وەشکین گشت ماتۆر سوارەیل و تایبەت ئەو ماتۆرسکڵەیلە ک دوو کەس هەڵگرن وەشکین ووردیگ، و گیرهاوردن ماتۆرەگە و کەسەگان.٢/ رینما داین وەگشت ئەندامەیل وە قەیەغەی چەک لەوەخت وەکارهاوردن ماتۆرسکڵ، وە پیچەوانەی ئەوە ئەندامەگە و ماتۆرەگە گریەن.٣/ سزاداین کەرتەگان ناوچەی زەیونە لەباوەت رووداو کوشتن شیەوکەرە سیاسیەگە هشام هاشمی رووژ ٦/٧/٢٠٢٠ چوونکە بەسیاگە وە خاڵەیل وەشکین.کۆمەڵە چەکداریگ وە دوو ماتۆرسکڵ تەقە لە هشام هاشمی کردن ک پسپۆڕە لە باوەت کۆمەڵە چەکدارەگان لە وەردەم ماڵەگەی لە ناوچەی زەیونە خوەرهەڵات بەغداد، ک بویە هووکار کوشتنی، و بویە ژاوەژاو گەورایگ، و رای گشتی گەورایگ دروس کرد، و رەت کردن جەماوەری وسیاسی و ناودەوڵەتی لە پشتی بوی، لە ناو داواکاری ئەرا داناین تاوانبارەیل لەنوای دادوەری وە زویترین وەخت.هشام هاشمی تەمەن ٤٧ ساڵان، پسپۆڕە لە باوەت کۆمەڵە چەکدارەیل، و خوەی نووسەرە وبڕیگ توێژینەوەی ستڕاتیژی دیرێد.



سەرچاوەى هەواڵ - شـه‌فـه‌ق نيـوز


Sponsored Links