رووسیا: "له‌گه‌ڵ توركیا به‌رده‌وامین بۆ چاره‌سه‌كردنی كێشه‌كانی لیبیا"
دیجیتال میدیای سپێده
وه‌زیری ده‌ره‌وه‌ی رووسیا، سێرگی لاڤرۆڤ به پێویستی ده‌زانێت شه‌ڕوپێكدادانه‌كانی لیبیا رابگیرێن.
وه‌زیری ده‌ره‌وه‌ی رووسیا، سێرگی لاڤرۆڤ به پێویستی ده‌زانێت شه‌ڕوپێكدادانه‌كانی لیبیا رابگیرێن و ئاماژه‌ی به‌وه‌شدا كه به‌رده‌وامن له كاركردن له‌گه‌ڵ توركیا بۆ ئه‌وه‌ی ئاگربه‌ست له‌و وڵاته رابگه‌یه‌ندرێت.
دوای به‌شداریكردن له كۆبوونه‌وه‌ی وه‌زیرانی ده‌ره‌وه‌ی رووسیا، كۆنگۆ، میسر و كۆماری ئه‌فریقای باشوور؛ لاڤرۆڤ له‌باره‌ی كێشه‌كانی لیبیاوه به میدیاكانی راگه‌یاند: "پێویسته ده‌ستبه‌جێ شه‌ڕوپێكدادانه‌كانی لیبیا رابگیرێن و یه‌كه چه‌كدارییه‌كانی لایه‌نه شه‌ڕكه‌ره‌كان واز له به‌ره‌وپێشچوون بهێنن".
لاڤرۆڤ به ئاماژه‌دان به‌وه‌ی كه سه‌ركرده‌ی هێزه نایاساییه‌كانی رۆژهه‌ڵاتی لیبیا، خه‌لیفه حه‌فته‌ر ئاماده‌یه واژوو له‌سه‌ر به‌ڵگه‌نامه‌ی ئاگربه‌ست بكات و گوتی: "به‌داخه‌وه لێدوانی سه‌رجه‌م لایه‌نه دانوستانكاره‌كان سه‌باره‌ت به‌وه‌ی كێشه‌كانی لیبیا به بژارده‌ی سه‌ربازی چاره‌سه‌ر ناكرێن نه‌بوونه‌ته كرده‌یی".