English | عربي

مامۆستایێن دهۆكێ قستێن 300 ترۆمبێلان نه‌داینه‌


مامۆستایێن دهۆكێ قستێن 300 ترۆمبێلان نه‌داینه‌

2019/09/06 | 17:00

(هەواڵ كوردستان)-

جێگرێ سه‌رۆكێ لقێ دهۆكێ یێ ئێكه‌تیا مامۆستایێن كوردستانێ راگه‌هاند مامۆستایێن دهۆكێ زێده‌تر ژ 300 ترۆمبێلا تۆیۆتایێن ب قست برینه‌ و هه‌تا نوكه‌ قستێن كۆمپانیا جیهان نه‌داینه‌، له‌وما كۆمپانیا جیهان بریار دایه‌ ل ده‌مێ ئه‌ڤ جاره‌ ترۆمبێلێن قست بۆ مامۆستایێن دابین بكه‌ت، مه‌رج و رێنمایێن قورس بۆ مامۆستایێن دهۆكێ بدانیت.

مشیر عه‌بدوللا جێگرێ سه‌رۆكێ لقێ دهۆكێ یێ ئێكه‌تیا مامۆستایێن كوردستانێ بۆ (باس) دیار كر، به‌رى سالا 2014 كۆمپانیا جیهان ب رێیا ئێكه‌تیا مامۆستایێن كوردستانێ هژماره‌كا زۆر یا ترۆمبێلان بۆ ماموستایێن دهۆكێ دابین كرن بۆ هندێ ب قست بكرن و قستێن وان ژى د درێژخایه‌ن بوون، ل وى ده‌مى مامۆستایان هژماره‌كا زۆر یا ترۆمبێلان بۆ خوه‌ ب قست برن و گه‌له‌ك ژ وان ژى كو زێده‌تر ژ 300 مامۆستایان بوو ترۆمبێلێن تۆیۆتایێن بەرز برن، به‌لێ نه‌خۆشبه‌ختانه‌ قه‌یرانا دارایى ب سه‌ر هه‌رێما كوردستانێ هات و مۆچه‌ نه‌هاتنه‌ دابه‌شكرن و ئه‌و ژى بوو ئه‌گه‌ر كو ماموستا قستێن خوه‌ یێن هه‌یڤانه‌ نه‌ده‌ن و پتریا وان ژى هه‌تا نوكه‌ قستێن خوه‌ نه‌داینه‌، له‌وما ژى كۆمپانیا بریار دایه‌ ئه‌ڤ جاره‌ ترۆمبێلێن قست بۆ مامۆستایێن دابین بكه‌ت، مه‌رج و رێنمایێن قورس بۆ مامۆستایێن دهۆكێ بدانیت.

ل گۆره‌ی ئامارێن فه‌رمی ل هه‌رێما كوردستانێ 130 هزار مامۆستا هه‌نه‌ و ئێكه‌تیا مامۆستایان پڕۆژه‌یه‌ك بۆ دانا تڕۆمبێلان ب شێوه‌یێ قست بۆ مامۆستایان به‌رهه‌ڤكریه‌، سه‌رۆكێ ئێكه‌تیا مامۆستایێن كوردستانێ هوورده‌كاریێن زێده‌تر ل دۆر به‌لافكرنا تڕۆمبێلێن مامۆستایان ئاشكرا دكه‌ت و دبێژیت: هه‌موو مامۆستایه‌ك نه‌شێن مفاداربن ژ وه‌رگرتنا تڕۆمبێلێن قست، هه‌ر چه‌نده‌ قستێن كرینا تڕۆمبێلان بێ پێشه‌كینه‌ و بۆ ده‌مێ سێ سالانه‌، به‌لێ قستێ هه‌یڤانه‌ ژ مۆچه‌ى مامۆستایان زێده‌تره‌ و هه‌موو ماموستا نه‌شێن قستێ هه‌یڤانه‌ بده‌ن.

زێده‌تر گۆت "پڕۆژێ دانا تڕۆمبێلێن قست ب مامۆستان پڕۆژێ به‌ری چه‌ند سالان یێ ئێكه‌تیا مامۆستایێن كوردستانێ یه‌ و ل سالا 2013ێ هه‌بوو، به‌لێ ژ به‌ر قه‌یرانا دارایی كار ل سه‌ر نه‌هاته‌كرن، نوكه‌ ئه‌م یێ بزاڤان دكه‌ین تڕۆمبێل ب شێوه‌یێ قست بۆ مامۆستایان بهێنه‌ دابینكرن".

خویاژى كر كو بهایێ تڕۆمبێلان و جۆرێ تڕۆمبێلان ئێكه‌ ژ مه‌رجێن ئێكه‌تیا مامۆستایێن كوردستانێ، ژ به‌ر كو دبیت بهایێ وان یێ گونجایی بیت و جۆرێن وان دیاربن، راسته‌ مه‌ پڕۆژه‌ به‌رهه‌ڤكریه‌ و كار ل سه‌ر دهێته‌كرن بۆ به‌لاڤكرنا تڕۆمبێلان ب شێوه‌یێ قست، لێ زێده‌تری 100 هزار مامۆستا ل هه‌رێما كوردستانێ هه‌نه‌ و ئه‌مریكا و چین نه‌شێن هه‌ر مامۆستایه‌كی تڕۆمبێله‌كێ بده‌نێ، له‌وڕا هوورده‌كاریێن زۆر تێدا هه‌نه‌ و د شیانێن هه‌موو مامۆستایه‌كی دا نینن تڕۆمبێلا قست وه‌ربگریت، چونكه‌ دڤێت قستێن هه‌یڤانه‌ د ده‌مێ خودا بۆ كۆمپانیێ بهێنه‌ ڤه‌گه‌ڕاندن، هژماره‌كا زۆرا مامۆستایان تنێ مووچێ په‌روه‌ردێ هه‌یه‌ و هه‌موو مووچێ خۆ بده‌ته‌ قست به‌هرا قسته‌كی ناكه‌ت.

خویاژى كر، ڤێجا خۆ مامۆستا ناچیت مامه‌له‌یه‌كێ بكه‌ت و تڕۆمبێله‌كێ بكڕیت ل دووڤ دا په‌شێمان ببیت، هه‌ر مامۆستایه‌كی به‌رچاف رۆهنی هه‌بیت و هه‌موو مامۆستا نه‌شێن تڕۆمبێلان ل كۆمپانیێ بشێوه‌یێ قست بكڕن و ده‌مه‌كێ زۆر پێدڤیه‌ بۆ گه‌هشتن ب ئه‌نجامه‌كی، كڕینا هژماره‌كا زۆرا تڕۆمبێلان ب شێوه‌یێ قست ل كه‌رتێ تایبه‌ت كاره‌كێ ب ساناهی نینه‌، هه‌تا نوكه‌ چه‌ند كۆمبوونه‌ك دناڤبه‌را كۆمپانیا جیهان و ئێكه‌تیا مامۆستایان دا هاتینه‌ ئه‌نجامدان و هه‌ر ده‌مێ گه‌هشتینه‌ رێكه‌فتنا دووماهیێ دێ هه‌موو زانیاریان بۆ مامۆستایێن خۆ به‌لافكه‌ین.

دا زانین، ب تایبه‌تی مه‌رجێن وه‌رگرتنا تڕۆمبێلان دڤێت مامۆستا فه‌رمانبه‌ره‌كی بكه‌ته‌ كه‌فیلێ خۆ ئه‌ندامێ ئێكه‌تیا مامۆستایێن كوردستانێ ژی بیت و هه‌یڤانه‌ یێ پێگیربیت ب دانا قستێن كۆمپانیێ، چونكو ئه‌م وه‌كی ئێكه‌تیا مامۆستایان نه‌شێین ببینه‌ كه‌فیلێ سه‌دان ده‌فته‌رێن دۆلاری، به‌لكو كۆمپانیا ناڤبری ب خۆ بانك هه‌یه‌ و ل گۆره‌ی سیسته‌مێ فرۆتنا تڕۆمبێلان دهێته‌ بجهئینان، قستێن مامۆستایان ژی بۆ كڕینا هه‌ر تڕۆمبێله‌كێ بێ پێشه‌كیه‌ و بۆ ده‌مێ سێ سالانه‌.








نیشانەکردن



زۆرترین






ڤیدیۆ- وێنە





Trending