English | عربي

فه‌رمانبه‌رێن دهۆكێ واستا دگرن نه‌هێنه‌ خانه‌نشینكرن


فه‌رمانبه‌رێن دهۆكێ واستا دگرن نه‌هێنه‌ خانه‌نشینكرن

2019/09/06 | 23:30

(هەواڵ كوردستان)- سه‌رۆكێ لیژنا یاسایى ل په‌رله‌مانى: هه‌تا مۆچه‌ نه‌بیته‌ 400 هزار دینار كه‌س خوه‌ خانه‌نشین ناكه‌ت

 

ل دووڤ رێنمایێن نوو هه‌ر ده‌مێ ژیێ فه‌رمانبه‌رى گه‌هشته‌ خانه‌نیشینێ دهێته‌ ده‌ركرن، هه‌كه‌ رێڤه‌به‌رێ گشتى بیت و پێدڤى پێ هه‌بیت ماوه‌كێ دیاركرى دێ بیته‌ راوێژكار و ل دووڤ دا دهێته‌ خانه‌نیشنكرن.

سه‌رۆكێ لژنا قانوونى ل جڤاتا پارێزگه‌ها دهۆكێ راگه‌هاند، گرنگ ئه‌وه‌ به‌رى هه‌ر پرۆژه‌كى ل په‌رله‌مانى بهێـته‌ په‌سه‌ندكرن پرۆژێ چاكسازیێ بیت و دێ نێزیكى 100 ملیار دیناران بۆ حوكمه‌تێ ڤه‌گه‌رینیت، ب هیڤى نه‌ به‌رى ئه‌ڤ ساله‌ ب دووماهى بهێت دانا مۆچێن فه‌رمانبه‌رێن كوردستانێ دێ وه‌ك به‌رى 2014 لێ هێن.

ئدریس هه‌ركى، سه‌رۆكێ لژنا قانوونى ل جڤاتا پارێزگه‌هێ بۆ (باس) دیار كر، پێشتر هه‌بوویه‌ ده‌مێ كه‌سه‌ك دهاته‌ خانه‌نشینكرن، ب هه‌ر ێیه‌كا هه‌با بزاڤ دكرن ل جهێ خوه‌ دا بمینیت، لێ نوكه‌ ل دووڤ رێنمایێن نوو ئه‌و چه‌نده‌ نه‌مایه‌ و هه‌ر ده‌مێ ژیێ وى گه‌هشته‌ خانه‌نیشینێ دهێته‌ ده‌ركرن، هه‌كه‌ رێڤه‌به‌رێ گشتى بیت و پێدڤى پێ هه‌بیت ماوه‌كێ دیاركرى دێ بیته‌ راوێژكار و ل دووڤ دا دهێته‌ خانه‌نیشنكرن.

سه‌رۆكێ لیژنا قانوونى ل جڤاتا پارێزگه‌هێ ئاشكرا كر، گرنگ ئه‌وه‌ به‌رى هه‌ر پرۆژه‌كى ل په‌رله‌مانى بهێـته‌ په‌سه‌ندكرن پرۆژێ چاكسازیێ بیت و دێ نێزیكى 100 ملیار دیناران بۆ حوكمه‌تێ ڤه‌گه‌رینیت، ب هیڤى نه‌ به‌رى ئه‌ڤ ساله‌ ب دووماهى بهێت دانا مۆچێن فه‌رمانبه‌رێن كوردستانێ دێ وه‌ك به‌رى 2014 لێ هێن كو هه‌ر فه‌رمانگه‌ه یان رێڤه‌به‌ریه‌كێ رۆژا خوه‌ یا وه‌رگرتنا مۆچه‌ى هه‌بیت.

رۆژنامه‌ڤان عه‌بدولره‌زاق نهێلى گۆت: مان د پۆستى دا و و ره‌ڤین ژ خانه‌نشینیێ ئه‌ڤه‌ دووره‌ ژ ره‌وشتێن فه‌رمانبه‌ر و مامۆستایان، فه‌رمانبه‌ر هه‌یه‌ ل وه‌لاتێ مه‌ و ده‌مێ وى یێ قانوونى ب دووماهی هاتیه‌ و نه‌یێ به‌رهه‌ڤ بوویه‌ پۆستێ خوه‌ بهێلیت دا مۆچێ وێ كێم نه‌بیت، بێى كو هزر بكه‌ت كو ب هزاران كه‌س ل كوردستانێ هه‌نه‌ و نها چاڤه‌رێى دامه‌زراندنێ نه‌ و ب رێژا 10% بۆ 2% ژ مۆچێ وى كه‌سى.

سه‌رۆكێ لژنا قانوونى ل په‌رله‌مانێ كوردستانێ دیار كر، هه‌ژماره‌كا پرۆژه‌ قانوونا ل سه‌رۆكاتیا په‌رله‌مانێ كوردستانێ هه‌نه‌ و چاڤه‌رێى نه‌ بهێنه‌ ره‌وانه‌كرن بۆ لیژنا قانوونى یا په‌رله‌مانى گۆت: هه‌رده‌ما شیاین مۆچێ خانه‌نشینا ژ 220 هزار بكه‌ینه‌ 400 هزار دێ وى ده‌مى شێن پرۆژه‌ قانوونه‌كێ ده‌رئێخین، هه‌كه‌ مۆچه‌ وه‌ك ڤێگاڤێ بیت 120 هزار دینار بن باوه‌ركه‌ خه‌لكێ مه‌ خوه‌ ژیێ وى بیته‌ 80 سال ژى خوه‌ خانه‌نشین ناكه‌ت.

بژار كۆچه‌ر، سه‌رۆكێ لژنا قانوونى ل په‌رله‌مانێ كوردستانێ بۆ (باس) ئه‌و ژى ئاشكراكر كو پێدڤیه‌ كارى ل ده‌سپێكێ بكه‌ین مۆچێ خانه‌نشینان بهێته‌ زێده‌كرن كو ژ 400 هزار دیناران كێمتر نه‌بیت، چه‌ند مۆچه‌ یێ كێم بیت كه‌سه‌ك خوه‌ خانه‌نشین ناكه‌ت.

بژار كۆچه‌ر ئه‌و ژى گۆت: نوكه‌ ده‌م هاتیه‌ هه‌موو ئه‌ندامێن په‌رله‌مانێ كوردستانێ ژ هه‌موو فراكسیوونا خوه‌ ل ئه‌وان دروشمان بكه‌نه‌ خودان ئه‌وێن ده‌مێ بانگه‌شا هه‌لبژارتنان دا بۆ خه‌لكى گۆتین نوكه‌ ده‌م هاتیه‌ ئه‌و دروشم ببنه‌ كریار و كارى پێ بكه‌ن، خه‌لك چاڤه‌رێى به‌رهه‌مێ ده‌نگێ خوه‌یه‌.

 

 

 

 








نیشانەکردن



زۆرترین






ڤیدیۆ- وێنە





Trending