English | عربي

مافی مرۆڤ لەبارەی جووڵەی تیرۆریستانی داعشەوە ھۆشداری دەدات


مافی مرۆڤ لەبارەی جووڵەی تیرۆریستانی داعشەوە ھۆشداری دەدات

2019/09/07 | 10:15

(هەواڵ كوردستان)-

هەولێر-KDP.info- سەرۆكی دەستەی سەربەخۆی مافی مرۆڤ، ھۆشداری دەدات لەبارەی جووڵەی تیرۆریستانی داعش و دەڵێ، لە سێ مانگی رابردوودا داعش خۆی رێك خستووەتەوە و ئەگەر رێگری لێ نەكرێت، كارەسات روودەدات.

زیا پترس، سەرۆكی دەستەی مافی مرۆڤ، بە ماڵپەڕی فەرمیی پارتی دیموكراتی كوردستانی راگەیاند: "ناكۆكییەكانی ناوچەكە و ململانێی وڵاتانی زلھێز لەسەر رەوشی عێراق، وای كردووە ناوچەكە رەوشێكی ئاڵۆز بە خۆیەوە ببینێ و ناجێگیریی رەوشی ناوچەكەش رێگە بۆ گەشەكردنی گرووپە توندڕەوەكان خۆش دەكات، تا دووبارە خۆیان رێك بخەنەوە، بە تایبەتی گرووپی تیرۆریستیی داعش سوودی لە ناجێگیری و ناسەقامگیریی ناوچەكە وەرگرتووە، پیشتر كۆتایی شەڕی بەرەنگاربوونەوەی داعش راگەیەندرا، بەڵام زۆرێك لە چاودێران پێیان وابوو، پێویستە فكری داعش لەنێو ببرێت، لەبەر ئەوەی ھەڵگرانی فكری داعش لەنێو كۆمەڵگادا ھێشتا ماون و مەترسیی دووبارە سەرھەڵدانەوەی ئەو گرووپە تیرۆریستییە ھەیە".

سەرۆكی دەستەی مافی مرۆڤ دەشڵێت: "ھەر كاتێك دەرفەت وەربگرن، داعش دێتەوە سەرخەت و مەترسی بۆ سەر عێراق دروست دەبێت، پێم وایە ئەگەر بە زوویی رێگری لە سەرھەڵدانەوەی داعش نەكرێت، كە ئێستا ئاماژەكانی بەھێزبوون و گەڕانەوەی دەركەوتوون، بێگومان ئەوكات كارەسات روودەدات، چونكە بەر لە سێ مانگ داعش گەڕاوەتەوە ھەندێ ناوچەی وەك خانەقین و دەوروبەری كەركووك".

 

قائید میرۆ

 








نیشانەکردن



زۆرترین






ڤیدیۆ- وێنە





Trending