تۆمار کردن حاڵەتەیل مردن نوو وەکۆرۆنا لە هەرێم کوردستان
2020-07-09 00:00:00 - سەرچاوە: شـه‌فـه‌ق نيـوز
شەفەق نیەوز/ دەسه‌ڵاتە تەندروسیەگان لە هەرێم کوردستان، ئمڕوو پەنجشەممە، تۆمارکردن چوار مردن نوو وە ڤایڕۆس کۆڕۆنا راگەیانن لە ئیدارەی ناوچەی راپەڕین و پارێزگای سلێمانی.
وەڕیەوبەرایەتی تەندروسی راپەڕین لە بەیاننامەیگ ئمڕوو رەسیە ئاژانس شەفەق نیوز وت: سێ تووشهاتگ ، دوو پیاو و یەک ژن لە تەمەن '' ٦٣، ٤٩ ، ٦٦ '' ساڵ دویەشەو مردن.
بەیاننامەگە دیاریکرد ک هەرسگ مردگەیل بیماری سەخت داشتنە، وئاماژەدا ک ناوچەگە لە وەخت بڵاوبوین پەتاگە ١١ مردن تۆمار کردگە.
لەلای خوەییش دکتۆر یاد نەقشەبەندی قسەکەر وەناو فەرمانگەی تەندروسی پارێزگای سلێمانی تۆمارکردن مردن یەک بیمار رەوش تەندروسیی خراو بوی راگەیان.