تەقینەوەیگ لە باکوور دهۆک پاسەوان سنور وەئامانجکرد
2020-07-09 00:00:00 - سەرچاوە: شـه‌فـه‌ق نيـوز
شەفەق نیوز/ سەرچەوەیگ سەربازی وەرپرس، ئمڕوو پەنجشەممە، خەوەردا لە زەخمداری یەکیگ لە پاسەوانه‌یل سنوور عراقی، له شوون تەقینەوەیگ لە باکوور پارێزگای دهۆک، و نزیک له سنوور تورکیا.
سەرچەوەگە خەوەردا ئاژانس شەفەق نیوز، ئمڕوو شەوەکی، مینیگ له یەکیگ لە خاڵە نووەگان هێزەیل پاسەوان سنورعراقی لە ناحیەی باتیفا لە زاخۆ ته‌قیه، ک بویە هووکار زەخمداری سه‌ربازێگ.
سەرچەوەگە وتیش؛ زەخم سەربازەگە سەختە، و یەک پای لەدەسداس و رەوانەی خەسەخانەی زاخۆ كریاس.
جی باسە ک لیوای یەکەم پاسەوان سنوور عراقی، وەی دواییە هێزەیلی وڵاوەکرد لە شوونەیلیگ لە باکوور ناحیەی باتیفا ئەرا چەسپانن ئارامی ئەو ناوچەیلە، دویای جەنگەیل ناوبەین هێزەیل تورکیا و پەکەکە.