English | عربي

حکومەتی هەرێمی کوردستان و نوێنەرانی کورد لە بەغدا لە کۆبونەوەدان


حکومەتی هەرێمی کوردستان و نوێنەرانی کورد لە بەغدا لە کۆبونەوەدان

2019/09/08 | 12:00

(هەواڵ كوردستان)- خەندان-حکومەتی هەرێمی کوردستان و نوێنەرانی کورد لە بەغدا لە شاری هەولێر لە کۆبونەوەدان و لەبارەی کێشەکانی نێوان هەرێمی کوردستان و بەغدا گفتوگۆ دەکەن. رێبوار كەریم، ئەندامی كورد لە پەرلەمانی عێراق بە خەندان-ی راگەیاند، "بابەتی سەرەكی كۆبونەوەكە تایبەتە بە پشکی هەرێمی کوردستان لە بودجەی 2020 و گفتوگۆكانی نێوان هەرێم و بەغدا لەو بارەیەوە، چونكە بڕیارە رۆژی 15ی تشرینی یەكەم ئەنجومەنی نوێنەرانی عێراق گفتوگۆكانی لەسەر پرۆژە یاسای بودجەی 2020ی عێراق دەستپێبكات".ئاماژەی بەوەشکرد، هەرئەمڕۆ نوێنەرانی کورد لە پەرلەمان عێراق و ئەندامانی کوردی لیژنەی دارایی لەگەڵ رێواز فایەق، سەرۆكی پەرلەمانی كوردستان و جێگرەكەی كۆدەبنەوە.رێبوار كەریم وتیشی، هەردو كۆبونەوەكە لەسەر داوای سەرۆكایەتی حكومەتی هەرێمی كوردستان و سەرۆكایەتی پەرلەمانی كوردستان بوە.حکومەتی هەرێمی کوردستان و حکومەتی عێراق لەمساڵدا گفتوگۆکانیان بۆ چارەسەرکردنی کێشەکانی وەک، بودجە، پێشمەرگە و ناوچە کێشەلەسەرەکان خستوەتەگەڕ و تا ئێستاش چەند کۆبونەوەیەکیان لەوبارەیەوە ئەنجامداوە.25ی مانگی تەموزی ئەمساڵد، شاندی باڵای هەرێمی کوردستان بە سەرۆکایەتی مەسرور بارزانی، سەرۆکی حکومەت و شاندی باڵای حکومەتی عێراق بەسەرۆکایەتی فواد حسێن، جێگری سەرۆک وەزیران بۆ کاروباری وزە کۆبونەوە، ئەوەش دوای ئەوەی شاندی باڵای هەرێمی کوردستان لەگەڵ عادل عەبدولمەهدی، سەرۆک وەزیرانی عێراق کۆبونەوە.








نیشانەکردن



زۆرترین






ڤیدیۆ- وێنە





Trending