English | عربي

نوێنەری فیدراسیۆنی پەنابەران لەبارەی کردنەوەی سنورەکانی تورکیا بەروی ئەوروپادا دەدوێت


نوێنەری فیدراسیۆنی پەنابەران لەبارەی کردنەوەی سنورەکانی تورکیا بەروی ئەوروپادا دەدوێت

2019/09/09 | 09:00

(هەواڵ كوردستان)- خەندان-نوێنەری فیدراسیۆنی سەرانسەری پەنابەرانی عێراقی لە تورکیا رایگەیاند، چەند ڕۆژێکە دەنگۆی کردنەوەی سنورەکان هەیە بەروی کۆچبەراندا لە تورکیاوە بەرەو ئەوروپا، بەڵام "ئەم پروپاگەندانە راست نین".چەند رۆژێکە دەنگۆی کردنەوەی سنورەکان هەیە بەروی کۆچبەراندا لە تورکیاوە بەرەو ئەوروپا

 

رۆژ عەزیز، نوێنەری فیدراسیۆنی سەرانسەری پەنابەرانی عێراقی لە تورکیا لە راگەیەندراوێکدا رایگەیاند، "چەند رۆژێکە دەنگۆی کردنەوەی سنورەکان هەیە بەروی کۆچبەراندا لە تورکیاوە بەرەو ئەوروپا، دەمەوێت لێرەوە بە رایگشتی رابگەیەنم ئەم پروپاگەندانە ئەسڵ و ئەساسی نیە، بەڵکو کۆمەڵێک قاچاغچی و کەسانێکن کەڵک لەمە وەردەگرن و تا خەڵکی کوردستان ڕو لە تورکیا بکەن و بەرەو ئەوروپا بڕۆن".ئەو کەسانەی دەڕۆن لەسنوری تورکیا یۆنان دەستگیردەکرێن و دواتر هەندێک کەس دەستگیرکراوەکان بەپارە بەردەدات

 

ئاماژەی بەوەشکردوە، ئەو کەسانەی دەڕۆن لەسنوری تورکیا یۆنان دەستگیردەکرێن و دواتر هەندێک کەس دەستگیرکراوەکان بەپارە بەردەدات، ئەوانەی ئەو پڕوپاگەندانە دەکەن تەنها بۆ ئەوەیە هانی هاوڵاتیانی کورد بدەن بەرەو تورکیا  و یۆنان بەرێ بکەون خۆشیان قازانج لە گرنی پەنابەراندا بکەن تا بە پارە پەنابەر بەربدەن.هەفتەی رابردو ئەردۆغان رایگەیاند، ئەگەر یەکێتی ئەوروپا پشتیوانی لە پڕۆژەکەی نەکات لە سوریا و ناوچەی ئارام، ئەوا سنورەکان بەروی پەنابەراندا دەکاتەوە

 

هەفتەی رابردو رەجەب رەیب ئەردۆغان، سەرۆک کۆماری تورکیا لەمیانی وتارێکدا رایگەیاند، ئەگەر یەکێتی ئەوروپا پشتیوانی لە پڕۆژەکەی نەکات لە سوریا و ناوچەی ئارام، ئەوا سنورەکان بەروی پەنابەراندا دەکاتەوە.نوێنەری فیدراسیۆنی پەنابەران لە تورکیا دەڵێت، "ئەم لێدوانانە ئەکەمجار نیەو چەندین جار ئەم لێدوانانە دراون، لێدوانەکانێش زیاتر وەک کارتی فشارە، ئەگینا رەنگە کردنەوەی سنورەکان لە لایەن تورکیاوە ئاسان نەبێت، چونکە تورکیاو ئەوروپا ڕێککەوتنیان ئەنجام داوە پابەندن بەو ڕێکەوتنەوە".








نیشانەکردن



زۆرترین






ڤیدیۆ- وێنە





Trending