English | عربي

دهۆك ئه‌ڤرۆ چاڤه‌رێ مه‌زنترين روودانا سالێ يه‌


دهۆك ئه‌ڤرۆ چاڤه‌رێ مه‌زنترين روودانا سالێ يه‌

2019/09/09 | 11:05

(هەواڵ كوردستان)- ئه‌ڤرۆ نيوز، نيوار محه‌مه‌د سه‌ليم: بڕياره‌ ئه‌ڤرۆ رۆژا دوشه‌مبى 9ى ئيلۆنا 2019ێ فلمه‌ فيستڤالا دهۆك 7 يا نێڤده‌وله‌تى دێ ده‌ست ب كارێن خوه‌ كه‌ت و تێدا 112 فلم ژ 74 وه‌لاتێن جيهانێ د پشكدارن.

فيستڤال دێ بۆ ماوێ هه‌شت رۆژان يا به‌رده‌وام بيت و رێوره‌سمێن ڤه‌كرنێ ژى دێ ژ ده‌مژمێر 05:00ى ئێڤارى ده‌ست پێ كه‌ن هه‌تا 07:00 دێ د به‌رده‌وام بن و فه‌رشێ سۆر بۆ هۆنه‌رمه‌ندان هێته‌ دانان.

فلمێ “كاميۆن” كو ژ لايێ ده‌رهێنه‌رێ كوردێ رۆژهه‌لاتێ كوردستانێ، كامبۆزيا پارتۆڤ ڤه‌ هاتيه‌ به‌رهه‌م ئينان دێ ل ده‌مژمێر 07:30 ده‌قيقه‌ هه‌تا 09:00ى شه‌ڤ وه‌كو فلمێ ڤه‌كرنا فيستڤالێ ل هۆلا كۆنفرانسان هێته‌ نيشاندان.

زێده‌تر ژ 120 فلمان ژ هه‌رچار پارچێن كوردستانێ و ئورۆپا و وه‌لاتێن عه‌ره‌بى د پشكدارن و هاتينه‌ مێڤانكرن.

74 وه‌لات ژى د پشكدارن و بڕياره‌ 112 فلم بهێنه‌ نيشاندان.

ژ وان 50 فلم كوردى نه‌.

55 فلم ژى دێ هه‌ڤركيا وه‌رگرتنا خه‌لاتان كه‌ن.

د فيستڤالێ دا، دێ روونى كه‌ڤيته‌ سه‌ر وان فلمێن عه‌ره‌ى يێن ژ سالا 1957ێ هه‌تا نها هاتينه‌ به‌رهه‌مئينان.

20 فلمێن عه‌ره‌بى دێ هێنه‌ نيشاندان.

برياره‌ د رۆژانێن فلمه‌ فيستڤالێ دا، چه‌ندين پانێل بۆ به‌حسكرن ل سه‌ر چه‌ند ته‌وه‌رێن سينه‌مايى بهێنه‌ ئه‌نجام دان.

فلم ژى دێ ل هۆلا كۆنفرانسان ل زانكۆيا دهۆك و دهۆك سينه‌ماكس هێنه‌ نيشاندان.








نیشانەکردن



زۆرترین






ڤیدیۆ- وێنە





Trending