English | عربي

سەرکردەیەکی گۆڕان: به‌م دۆخه‌وه‌ ئاسته‌مه‌ کورد پارێزگاری که‌رکووک دابنێت


سەرکردەیەکی گۆڕان: به‌م دۆخه‌وه‌ ئاسته‌مه‌ کورد پارێزگاری که‌رکووک دابنێت

2019/09/09 | 14:25

(هەواڵ كوردستان)-  

سەرکردەیەکی بزووتنه‌وه‌ی گۆڕان رای دەگەیەنێت، بەم دۆخەی کە لە شاری کەرکووکدا هەیە، ئەستەمە کورد بتوانێت پارێزگارێک دابنێت.

 

ئه‌میر حاجی که‌مال، ئەندامی جڤاتی نیشتمانیی گۆڕان و بەرپرسی مەكۆی بزووتنەوەکە لە سۆران بە (باسنیوز)ی ڕاگەیاند، بزووتنەوەی گۆڕان بە باشی دەزانێت، کورد لە هەڵبژاردنی ئەنجومەنی پارێزگاکاندا بە یەک لیست بەشداری بکات.

 

ڕوونیشی کردەوە کە بەشێکی زۆری بەرپرسیارێتیی دۆخی کەرکووک ”بەدەست یەکێتییە“، بۆیە داوای کرد کە پەیامێکی نەتەوەیی بدرێت و کەرکووک لەدەست ئەم پرۆسە تازەیەی تەعریب دەرباز بکرێت.

 

دووپاتیشی کردەوە، بەم دۆخەوە ئاستەمە کورد بتوانێت پارێزگارێک بۆ کەرکووک دابنێت.

 

پێشتریش خەسرۆ گۆران، بەرپرسی دەزگای هەڵبژاردنی پارتی دیموکراتی کوردستان رای گەیاندبوو کە ئەوان یەکەمین لایەنی کوردستانی بوون، داوایان کردووە کورد بە یەک لیست بەشداری لە هەڵبژاردنی کەرکووک بکات.

 

ئەمە لە کاتێکدایە کە ئەمڕۆ دووشەممە ٩ی ٩ی ٢٠١٩، لایەنە سیاسییە کوردستانییەکان بڕیاریان دا بە یەک لیست بەشداری لە هەڵبژاردنی کەرکووکدا بکەن.








نیشانەکردن



زۆرترین






ڤیدیۆ- وێنە





Trending