ئاماژه‌ی چین وه بیماری نەناسریاگیگ لە کازاخستان ك لە کۆڕۆنا دڕندەتر
شەفەق نیوز/ کازاخستان خەوەرەیل باڵیۆزخانەی چینی لە وڵاتەگە رەتکرد، لەباوەت بڵاوبوین بیماری سویەی نەناسریاگیگ ک وەت: دڕندەترە لە کۆڕۆنا.
باڵیۆزخانەگە لە بایاننامەیگ رووژ پەنجشەممە، داوا لە چینیەگان کرد مقەیەتی خوەیان بکەن لەوەر ئی بیماریە، و ئاماژەدا و زیایبوین گەورایگ لە بیماریەگە لە شارەیل ئەنیڕاو و ئکتۆبی و شیمکینت لە ناوڕاس حوزەیرانەو.
باڵیۆزخانەگە وت: بیماری سویەگە ک هیمان سروشتەگەی ئاشکارا نەکریاگە لە کازاخستان ١٧٧٢ کەس کوشت لە نیمه‌ی یەکەم ئمساڵ . لەلیان ٦٢٨ تووشهاتگ تەنیا لە مانگ حوزەیران بوی، و لەلیان هاووڵاتی چینەیە، و ئاماژەدا ک رێژەی مردگه‌یل لەی بیماریە فرە بەرزترە لە مردگەیل ڤایڕۆس کۆرۆنا.
وەرجەیە ئاژانس خەوەری فەرمی کازاخستان Kazinform وت: هەژمار تووشهاتگەیل بیماری سویە لە حوزەیران ٢،٢ جار فرەتر بەرزەوبوی وەگورەی خود مەوقەگە لە ساڵ ٢٠١٩ .
جی باسە ک ئەو دەوڵەتە ک کەفێدە ناوڕاس ئاسیا زیان سەختی دوینید لە ڤایڕۆس کۆرۆنا، و راگەیان لە ریکارەیل بەسانن نوویگ لەی هەفتە، وەگەرد زیایبوین تووشهاتنەگان ک رەسیە دەور ٥٥ هەزار تووشهاتگ و ٢٦٤ مردگ.
