English | عربي

شاندی هەدەپە و کەجەدە لەگەڵ یەکێتی، گۆڕان و نەوەی نوێ کۆدەبێتەوە


شاندی هەدەپە و کەجەدە لەگەڵ یەکێتی، گۆڕان و نەوەی نوێ کۆدەبێتەوە

2019/09/10 | 10:15

(هەواڵ كوردستان)-

خەندان-شاندی باڵای هەدەپە و کەجەدە ئەمڕۆ لەگەڵ هەریەکە لە یەکێتی نیشتیمانی کوردستان، بزوتنەوەی گۆڕان و نەوەی نوێ کۆدەبێتەوە.بەپێی بەرنامەی کۆبونەوەکانی شاندی باڵای هەدەپە کە وێنەیەکی ئاڕاستەی خەندان کراوە، کاتژمێر 10:30 خولەکی ئەمڕۆ شاندی هەدەپە و کەجەدا لەگەڵ یەکێتی نیشتمانی کوردستان کۆدەبنەوە و دواتریش کاتژمێر 2:00ی پاشنیوەڕۆ لەگەڵ عومەری سەید عەلی، رێکخەری گشتی گۆڕان کۆدەبنەوە.هەربەپێی کارنامەی کۆبونەوەکە، کاتژمێر 3:30 ی خولەکی پاشنیوەڕۆی ئەمڕۆ لەگەڵ شاسوار عەبدولواحید، سەرۆکی جوڵانەوەی نەوەی نوێ کۆدەبنەوە.حەوتی ئەم مانگە، شاندی باڵای پارتی دیموکراتی گەلان (هەدەپە) و کەجەدە بە سەرۆکایەتی سەزای تەمەللی گەیشتە هەولێری پایتەخت و لەماوەی سێ رۆژی رابردوشدا لەگەڵ هەریەکە لە سەرۆک بەرهەم ساڵح و نێچیرڤان بارزانی، سەرۆکی هەرێمی کوردستان و مەسرور بارزانی، سەرۆک حکومەتی هەرێمی کوردستان و بەشێک لە لایەنە سیاسیەکان کۆبوەوە.شاندەکەی باکوری کوردستان کە پێکدێت لە هەریەکە لە سەزای تەمەللی، هاوسەرۆکی گشتیی هەدەپە، بەردان ئۆزتورک هاوسەرۆکی گشتی کەجەدە، فاتما کورتولان جێگری گروپی هەدەپە لە پەرلەمانی تورکیا و نەزمی گور، جێگری هاوسەرۆکی گشتی هەدەپە.شاندی هەدەپە لەمیانی کۆبونەوەکانیاندا لەگەڵ لایەنە سیاسیەکانی باشوری کوردستان باسیان لە پەیوەندیەکانی باشوری کوردستان و پڕۆسەی ئاشتی لە تورکیا و دەستپێکردنەوەی گفتوگۆکان کرد لەگەڵ حکومەتی ئەنقەرە کرد.








نیشانەکردن



زۆرترین






ڤیدیۆ- وێنە





Trending