English | عربي

بەوێنە؛ لە سلێمانی بوک و زاوایەک بەشێوەیەکی جیاواز هاوسەرگیریان کرد


بەوێنە؛ لە سلێمانی بوک و زاوایەک بەشێوەیەکی جیاواز هاوسەرگیریان کرد

2019/09/10 | 11:55

(هەواڵ كوردستان)-

خەندان-پارێزەرێكی بواری ژینگە لە شاری سلێمانی، جیاواز لە نەریتییەكانی بوک گواستنەوە، پڕۆسەی هاوسەرگیری و گواستنەوەی بوكی بە نەریتێكی تازە ئەنجامدا و لە بری بەکارهێنانی ئۆتۆمبێل بۆ گواستنەوەی هاوسەرەکەی، بە پایسكل ئەو کارەی کرد.سەروەر محەمەد عەلی قەرەداغی دانیشتوی شاری سلێمانییە و بەوتەی خۆی ماوەی 10 ساڵە وەك چالاکوانی بواری پاراستنی ژینگە كار دەكات، ئەو تا ئێستا بەشداریی لە چەندین چالاكی جۆراوجۆر كردوە بۆ پاراستنی ژینگە و لە دەیان كۆڕ و كۆبونەوە و سیمینار بۆ هەمان مەبەست بەشدار بوە.

سەروەر قەرەداغی كە سەرۆكایەتی رێكخراوێك بەناوی رێكخراوی سرووشتی كوردستان دەكات، لە خۆشەویستی بۆ كارەكەی بڕیاریدا لە رۆژی هاوسەرگیری و گواستنەوەی بووكدا جیاواز لە رێوڕەسمە نەریتییەكان، نەریتێكی تازە بێنێتە كایەوە و بۆ زیاتر پاكڕاگرتنی ژینگە لە بری ئۆتۆمبێل بۆ گواستنەوەی بووك پایسكل بەكاربهێنێت.بووك و زاوا بە پایسكل لە بەردەم باخی گشتی سلێمانی بەڕێكەوتن و ژمارەیەك پایسكلسواری دیکەش وەك پشتیوانی و رێزلێنان لە كارەكەی سەروەر، بە پایسكل شوێنیان كەوتن و كاروانی بووك و زاوا كە هەموو پایسكل بوو بە شەقامەكانی شارەكەدا دەسوڕانەوە و بونە جێگەی سەرنجی هاوڵاتییان.

سەروەر قەرەداغی لە بارەی هۆكاری ئەو چالاكییەوە بە ئاژانسی ئەنادۆڵ-ی راگەیاندوە، "لە ساڵی 2009 ەوە لە بواری پاراستنی ژینگە كار دەكەم، ئەمڕۆش كە رۆژی پڕۆسەی هاوسەرگیری و گواستنەوەی هاوژینەکەمە، بەمەبەستی هاندانی ئەندامانی كۆمەڵگەكەمان و لە پێناو پاراستنی ژینگە و تەندروستی و وەرزشدا، جیاواز لە رێوڕەسمە نەریتییەكان، لە رێوڕەسمێكی تایبەتدا پڕۆسەی بووك گواستنەوە بە پایسكل ئەنجام دەدەم".

بوك پشتیوانی كارەكەی هاوژینەکەی دەكات و بۆ هاندانی زیاتری كاركردن لە بواری پاراستنی ژینگە ئەم پێشنیازەی قبوڵكردوە و خۆشحاڵە بەوەی توانیان نەریتێكی جیاواز لە پڕۆسەی گواستنەوە و رۆژی هاوسەرگیرییەكەیان ئەنجام بدەن.سەروەر و هاوژینەکەی لەم رۆژە تایبەتەی ژیانیاندا كە وەک دو تاك دەچنە نێو ژیانی هاوسەرگیرییەوە سەرەتا بە چاندنی دو نەمام لە باخی گشتی سلێمانی دەستیان پێكرد، پاشان لە بەردەم باخەكەدا گوڵی سروشتییان بەسەر شۆفێران و رێبواراندا دابەش كرد، هەروەها پشیلەیەكی بێ‌ پەناگەیان لە رێكخراوێكی بواری پاراستنی گیانلەبەران وەرگرت و پرۆسەى بوک گواستنەوەیان بە پایسكل ئەنجامدا و ماوەی چەند كیلۆمەترێكیان بە پایسكل بڕی.

xendan.blob.core.windows.net/root/root/images/8109201970557517_1444742215663955_9123755609068404736_n







نیشانەکردن



زۆرترین






ڤیدیۆ- وێنە





Trending