English | عربي

نوێنەرانی هەرێمی کوردستان هەوڵی گەڕاندنەوەی ١٧٪ی بەشە بودجە دەدەن


نوێنەرانی هەرێمی کوردستان هەوڵی گەڕاندنەوەی ١٧٪ی بەشە بودجە دەدەن

2019/09/11 | 09:55

(هەواڵ كوردستان)-  

سەرۆكی لێژنەی یاسای لە ئەنجومەنی نوێنەرانی عێراق ڕای دەگەیەنێت، پێداگیری لەسەر گەڕاندنەوەی ١٧٪ی هەرێمی كوردستان لە بوودجەی عێراق دەكەین و ”حەقی خۆمانە“.

 

 

ڕێبوار عەبدولڕەحمان، سەرۆكی لێژنەی یاسای لە ئەنجومەنی نوێنەرانی عێراق بە (باسنیوز)ی ڕاگەیاند: ”پرۆژە یاسای بوودجە لەلایەن حكوومەتەوە ئامادە دەكرێت و ساڵانە لە ١٥ی مانگی ١٠ دێتە ئەنجومەنی نوێنەران و گفتوگۆی لەسەر دەكرێت“.

 

ئەوەشی خستە ڕوو، پشكی هەرێمی كوردستان لە بوودجەی گشتیی عێراق كاتێك لە ١٧٪ كرایە ١٢.٦٣٪، هیچ بنەمایەكی یاسایی و واقیعی نەبوو، لەبەر ئەوەی ١٧٪ لەسەر بنەما بۆ هەرێم دیاری كرابوو.

 

ڕوونیشی كردەوە، بودجەی ٢٠١٩ی عێراق ١٣٣ تریلیۆن دینار بووە، كە بە ئەندازەی بوودجەی دوو وڵاتە، بەڵام كاتێك سەیری پارێزگاكانی عێراق دەکرێت، سیمای شاریان پێوە دیار نییە و ئەو پارەیە نەچووەتە خزمەتی وڵاتەوە، بۆ ئەوەی خەڵكی خۆیان لەو بابەتانە دوور بخەنەوە و شەقام لەگەڵ خۆیان ئاشت بكەنەوە، دژایەتیی هەرێم دەكەن و دەڵێن زیادی بردووە.

 

ئەندامەكەی ئەنجومەنی نوێنەرانی عێراق گوتیشی، ”لە ساڵی ٢٠١٩ ئێمە باسی ئەوەمان كرد كە دەبێت پشكی هەرێم بە ١٧٪ بمێنێتەوە و هەوڵەكانیش بۆ ئەوە بەردەوامن، پێداگیریش لەسەر ئەوە دەكەین کە پشكی راستەقینەی هەرێمی کوردستان وەربگرین“.

 

ئەو ئەندامەی فراکسیۆنی پارتی لە پەرلەمانی عێراق نەیشاردەوە کە بەبێ ڕەزامەندیی کورد، پڕۆژەیاسای بودجەی ٢٠٢٠ی عێراق لە پەرلەمانەوە تێناپەڕێت.








نیشانەکردن



زۆرترین






ڤیدیۆ- وێنە





Trending