English | عربي

نێچیرڤان بارزانى سه‌ره‌خۆشى له‌ كه‌سوكارى قوربانییانى كه‌ربه‌لا ده‌كات


نێچیرڤان بارزانى سه‌ره‌خۆشى له‌ كه‌سوكارى قوربانییانى كه‌ربه‌لا ده‌كات

2019/09/11 | 09:55

(هەواڵ كوردستان)-

هەولێر-KDP.info- له‌ په‌یامێكدا به‌ڕێز نێچیرڤان بارزانى سه‌رۆكى هه‌رێمى كوردستان، پرسه‌ و سه‌ره‌خۆشى ئاراسته‌ى كه‌سوكارى قوربانیانى ڕووداوه‌كه‌ى ئه‌مڕۆى كه‌ربه‌لا كرد و ئاماده‌ییى هه‌رێمى كوردستانى بۆ پێشوازى له‌ برینداران ده‌ربڕى، ئه‌مه‌ ده‌قه‌كه‌یه‌تى:

پرسه‌ و سه‌ره‌خۆشیى قووڵى خۆمان ئاراسته‌ى كه‌سوكارى قو‌ربانییانى ڕووداوه‌كه‌ى ئه‌مڕۆى كه‌ربه‌لا ده‌كه‌ین كه‌ له‌ ئه‌نجامى قه‌ره‌بالغى و به‌سه‌ریه‌كدا كه‌وتنى به‌شدارانى ڕێوڕه‌سمێكى ئایینیى شیعه‌، زیاتر له‌ (30) كه‌س گیانیان له‌ ده‌ست دا و به‌ ده‌یانى دیكه‌ش بریندار بوون.

له‌ دڵه‌وه‌ هاوخه‌م و هاوسۆزیانین و خواى مه‌زن دڵنه‌واییان بداته‌وه‌، هیواى به‌هه‌شت بۆ قوربانییان و زووچاكبوونه‌وه‌ بۆ برینداران ده‌خوازین.

هه‌رێمى كوردستان بۆ هه‌موو هاوكارییه‌كى پزیشكى و پێشوازى له‌ برینداران ئاماده‌یه‌.

 

نێچیرڤان بارزانى

سه‌رۆكى هه‌رێمى كوردستان

10/9/2019

 








نیشانەکردن



زۆرترین






ڤیدیۆ- وێنە





Trending