English | عربي

قەرەداغی: بارزانی بوو بە گەورەترین ڕەمزی مێژووی نەتەوەیەك


قەرەداغی: بارزانی بوو بە گەورەترین ڕەمزی مێژووی نەتەوەیەك

2019/09/11 | 13:45

(هەواڵ كوردستان)-

هەولێرـ KDP.infoـ ئەمڕۆ پەنجاوهەشتەمین ساڵیادی شۆڕشی ئەیلوولە و نووسەر و رووناكبیرێكیش دەڵێت، زۆر بە ڕاشكاوی و خاترجەمییەوە دەڵێم، هەر دەستكەوتێك كە ئێستا لە باشووری كوردستان بەدەست هاتووە، بناغەكەی دەگەڕێتەوە بۆ ئەو شۆڕشە مەزنە.

مەهاباد قەرەداغی، بە ماڵپەڕی فەرمیی پارتی دیموكراتی كوردستانی ڕاگەیاند: "شۆڕشی ئەیلوول بناغەی ڕێبازی كوردایەتیی دانا؛ بۆیە بارزانی بوو بە گەورەترین ڕەمزی مێژووی نەتەوەیەك، تا كورد هەبێت؛ كوردایەتیش برەوی دەبێت؛ بۆیە بارزانی و شەهیدانی شۆڕشی ڕزگاریخوازی كوردستان وەك شانازییە هەرە مەزنەكانمان لە كۆیادی نەتەوەی كورددا دەمێننەوە".

ئەو نووسەر و رووناكبیرە روونیشی كردەوە: "گرنگیی شۆڕشی ئەیلوول لەوەدا بوو، شۆڕشێكی سەرتاسەریی كوردستانی بوو؛ هەموو چین و توێژەكانی كۆمەڵی كوردستان تێیدا بەشدار بوون.

ڕۆڵی كاریگەری قوتابیان و لاوان و ئافرەتان لەو شۆڕشەدا جێگەی شانازی و بایەخە.

ئەندازیاران و پزیشكان و مامۆستایان و فەرمانبەران و كرێكاران و جووتیاران بەشدار و كارا بوون.

چینی ڕۆشنبیران بە نووسەران و هونەرمەندان و ڕۆژنامەنووسانەوە لەناو شۆڕشدا بوون یان لەناو شارەكانەوە پشتگیرییان لە شۆڕش دەكرد؛ بۆیە شۆڕشەكە مەزن و مەزنتر دەبوو و داگیركەرانی كوردستانی هێنابووە سەرچۆك".

قەرەداغی، دەڵێت: "زۆر بە ڕاشكاوی و خاترجەمییەوە دەڵێم، هەر دەستكەوتێك كە ئێستا لە باشووری كوردستان بەدەست هاتووە، بناغەكەی دەگەڕێتەوە بۆ ئەو شۆڕشە مەزنە و بارزانیی نەمر، كە ساڵی ۱۹۷۰ئۆتۆنۆمیی بۆ كورد لە دەستووری عێراقدا چەسپاند و ئەو هەوێنە ئێستا گەیشتۆتە حكوومەتێكی فیدڕاڵی و ئاكامیش دەگاتە سەربەخۆیی و دامەزراندنی دەوڵەتی كوردستان لەسەر دەستی سەرۆك و ڕابەر مەسعوود بارزانی".

 

فایزە كۆیی 

 

 








نیشانەکردن



زۆرترین






ڤیدیۆ- وێنە





Trending