English | عربي

بەدواداچوون بۆ دیارنەمانى 20 ملیار دینار لە پارێزگاى سلێمانى دەکرێت


بەدواداچوون بۆ دیارنەمانى 20 ملیار دینار لە پارێزگاى سلێمانى دەکرێت

2019/09/12 | 01:10

(هەواڵ كوردستان)-

جێگرى سەرۆکى لێژنەى دەستپاکى پەرلەمانى کوردستان رایگەیاند بەدواداچوون بۆ دیارنەمانى 20 ملیار دینار دەکەین کە لەکاتى بوونى سلێمانى بە پایتەخنى رۆشنبیرى کوردستان بۆ ئەو پارێزگایە تەرخان کرابوو.

 

سەعید هەرکى جێگرى سەرۆکى لێژنەى دەستپاکى پەرلەمانى کوردستان بە (باسنیوز) ى راگەیاند: "داواکارییەکمان ئاراستەى سەرۆکایەتى پەرلەمانى کوردستان کردووە بۆ ئەوەى رەزامەندى نیشان بدەن بەمەبەستى پێکهێنانى لێژنەیەى تایبەت بۆ بەدواداچوونى بۆ دیارنەمانى ئەو 20 ملیار دینارەى کە ئەنجوومەنى وەزیران لەرێى وەزارەتى رۆشنبیرى تەرخانى کردبوو، بۆئەوەی ئەو پارەیە لە پڕۆژەى تایبەت بەو شارە خەرج بکرێت چوونکە بڕیاردرا سلێمانى بکرێتە پایتەختى رۆشنبیرى کوردستان".

 

گوتیشی: "روون نییە ئەو پارەیە چۆن و لەچ پڕۆژەیەک و بۆچ مەبەستێک خەرج کراوە تەنیا 450 ملیۆن دینار لەکۆى ئەو 20ملیارەى کە بۆ شارەکە تەرخان کرابوو دیارە لەچى خەرجکراوە".

 

ڕاشیگەیاند: "بەپێى پەیڕەوى ناوخۆى پەرلەمان پێویستە سەرۆکایەتى پەرلەمان رەزامەندى بدات لەسەر پێکهێنانى لێژنەى بەدواداچوون بۆ هەر بابەتێک بۆیە چاوەڕواندەکرێت دواى رەزامەندى پەرلەمان لێژنەکان دەستبەکاربن بۆ بەدوادچوونى بابەتەکە و ئەنجامەکەشى بە راپۆرت رادەستى سەرۆکایەتى پەرلەمان بکرێت".

 

جێگرى سەرۆکى لێژنەى دەستپاکى پەرلەمانى کوردستان زیاتر گوتی: " ئەو بڕە پارەیەى کاتى خۆى لە رێگەی وەزارەتى رۆشنبیرى تەخانکرابوو بۆ ئەوە بوو پڕۆژەى تایبەت بە بوارى رۆشنبیرى و کلتور و هونەرى لەشارەکە پێ جێبەجێ بکرێت بەڵام هیچ یەکێک لەوپ ڕۆژانە دیارنین و ئەوپارەش بۆ سلێمانى خەرج نەکراوە".








نیشانەکردن



زۆرترین






ڤیدیۆ- وێنە





Trending