English | عربي

ژانیار حەسەن: من دڤێت پشکداریێ د فلمێن سینەمایی یێن کوردی دا بکەم


ژانیار حەسەن: من دڤێت پشکداریێ د فلمێن سینەمایی یێن کوردی دا بکەم

2019/09/12 | 12:35

(هەواڵ كوردستان)- ئەڤرۆ نیوز ، زنار تۆڤی: خانما ئەکتەر ژانیار حەسەن، کو خەلکا رۆژئاڤایێ کوردستانێ یە و مێھڤانە ل حەفتەمین فلمە فیستەڤالا دھۆکێ، د دیدارەکێ دا بۆ ئەڤرۆ نیوز دبێژیت: ئەڤە دەمێ پێنج سالانە ئەو کارێ ئەکتەریێ دکەت، ھەروەسا وێ پشکداری د چەندین درامایێن سوری دا کریە، ھەتا نوکە وی پشکداری د چو دراما و فلمێن کوردی دا نەکریە، ب دیتنا وێ ئاستێ ھونەری ل رۆژئاڤا یێ باش نینە و وەکو پێدڤی کارێن ھونەری نەھاتینە ئەنجامدان.

ناڤھاتیێ ئەو ژی گۆت: پشتی ئەو ھاتیە حەفتەمین فلمە فیستەڤالا دھۆکێ، وێ چەندین ئەکتەر و دەرھێنەرێن کورد نیاسینە و ئەڤ چەندە بوویە رێخۆشکەر بۆ وێ، کو ئەو پشکداریێ د فلمێن کوردی دا بکەت، و پەیوەندیێن باش ل گەل ئەکتەر و دەرھێنەرێن کورد چێکرینە، ھەروەسا وێ ل بەرە ئێدی دناڤا ھونەر و سینەما کوردی دا کار بکەت، دیسان ئەو فیستەڤالا دھۆکێ ب فیستەڤالەکا سەرکەفتی دبینیت و وێ ھێڤیێن گەش ب سینەما کوردی ھەنە.

ژانیار ھێشتا دبێژیت: ژنا کورد شیایە رۆلەکێ باش د وارێ سینەمایێ و ھەموو وارێن دیتر یێن ھونەری دا ب گێریت و شیایە مل ب ملێ زەلامی خەباتێ بکەت، ئەڤە ژی کەیف خۆشیەکێ ل دەف مرۆڤی پەیدا دکەت، ھەروەسا ھەکە داخوازی ژ وێ بھێتە کرن، بێی دو دلی ئەو دێ پشکداریێ د فلمێن سینەمایی یێن کوردی دکەت و ئەو شانازیێ ب ھونەرێ کوردی دبەت و وێ دڤێت ھەردەم خزمەتا سینەما کوردی بکەت، چونکی ئەو ڤێ چەندێ ب ئەرکێ خوە دزانیت.








نیشانەکردن



زۆرترین






ڤیدیۆ- وێنە





Trending